Дар муқоиса ба 5 соли пеш воридоти гӯшт аз хориҷи Тоҷикистон коҳиш ёфтааст
ДУШАНБЕ, 30.06.2023. /АМИТ «Ховар»/. Дар муқоиса ба панҷ соли пеш воридоти гӯшт аз хориҷи мамлакат 19,4 маротиба коҳиш ёфтааст. Дар давраи татбиқи «Барномаи маҷмӯавии рушди соҳаи чорводорӣ дар Ҷумҳурии Тоҷикистон барои солҳои 2018-2022» бо истифодаи маблағи буҷет ва ҷалби сармояи ватанию хориҷӣ чорводорӣ, парандапарварӣ, моҳипарварӣ ва занбӯриасалпарварӣ рушд ёфта, саршумори чорвою паранда, оилаҳои занбӯри асал ва истеҳсоли маҳсулот, аз ҷумла гӯшт, гӯшти паранда, шир, тухм, моҳӣ ва асал зиёд гардид. Дар ин хусус зимни муҳокимаи парламентӣ, ки дар Маҷлиси намояндагон дар мавзӯи «Барномаи маҷмӯавии рушди соҳаи чорводорӣ дар Ҷумҳурии Тоҷикистон барои солҳои 2018-2022» баргузор гардид, иттилоъ дода шуд.
Дар муҳокимаи парламентӣ ҳамчунин иброз гардид, ки соли 2022 дар ҳамаи шаклҳои хоҷагидорӣ саршумори чорвои калон ба 2543,9 ҳазор сар ва моли майда ба 6295,9 ҳазор сар расида, дар ин давра 349,1 ҳазор тонна гӯшт ва 1064,2 ҳазор тонна шир истеҳсол шудааст. Нисбат ба давраи қабули Барнома (соли 2017) саршумори чорвои калон 226,7 ҳазор сар (9,8 фоиз), моли майда 714,5 ҳазор сар (13 фоиз), истеҳсоли гӯшт 100,4 ҳазор тонна (40,3 фоиз) ва шир 114,3 ҳазор тонна (12 фоиз) зиёд гардид.
Гуфта шуд, ки бо истифодаи имтиёзҳои додашуда дар давраи амалишавии Барномаи мазкур барои беҳтар намудани зоти чорво, ташкили фермаҳои нави чорводорӣ ва афзун намудани ҳаҷми истеҳсоли гӯшту шир аз хориҷи ҷумҳурӣ 17732 сар чорвои хушзот ворид шуд, ки нисбат ба нишондоди барнома 2,1 маротиба зиёд мебошад.
Мавриди тазаккур аст, ки бо дастгирии Президенти мамлакат муҳтарам Эмомалӣ Раҳмон дар давраи амалишавии ин Барнома шумораи корхонаҳои парандапарварӣ аз 65 ба 218 расид, ки 3,3 маротиба зиёд мебошад.
«Новобаста аз зиёд гаштани саршумори чорво, сифат ва маҳсулнокии онҳо беҳбудиро талаб мекунад. Ҳиссаи соҳаи кишоварзӣ дар Маҷмӯи маҳсулоти дохилӣ дар соли 2022 24,1 млрд. сомониро ташкил дода, аз он 6,7 млрд. сомонӣ ба соҳаи чорводорӣ рост меояд. Ин рақам шаҳодат медиҳад, ки барои дастгирӣ ва рушди соҳа маблағи зиёд равона мешавад. Зарур аст, ки бо дастгирии олимони соҳа, истифодаи навгониҳои илмӣ дар амалия метавонем маҳсулнокии соҳаро зиёд намоем. Ин саҳми муносиб дар истеҳсоли маҳсулоти аз лиҳози экологӣ тоза, ғанӣ гардонидани бозорҳо, таъмини амнияти озуқавории мамлакат ва дастрасии аҳолӣ ба ғизои хушсифат мегардад»,-таъкид гардид дар нишасти мазкур.
АКС: АМИТ «Ховар»
Азим Иброҳим дар Конфронси ҷаҳонӣ доир ба мавқеи Тоҷикистон дар рушди инфрасохтори муосир сухан гуфт
Дар Сеул байни вазоратҳои саноати Тоҷикистон ва Корея санади ҳамкорӣ ба имзо расонида шуд
Эмомалӣ Раҳмон: «Дар бист соли охир суръати солонаи рушди иқтисоди Тоҷикистон ба ҳисоби миёна 7,8 фоизро ташкил дод»
Намояндаи Тоҷикистон дар ҷаласаи Созмони ҷаҳонии почта иштирок намуд
Санади ҳамкорӣ байни Тоҷикистон ва Беларус дар самти муқовимат ба коррупсия ба имзо расид
Тоҷикистон ва Корея дар самти рушди ҳамкории техникӣ созишнома ба имзо расониданд
Дар шаҳри Сеул Форуми стратегии сармоягузории Тоҷикистон – Корея баргузор шуд
Дар мулоқоти Вазири нақлиёти Тоҷикистон бо Директори иҷроияи Korea Eximbank густариши ҳамкорӣ дар соҳаи нақлиёт баррасӣ шуд
Дар Душанбе татбиқи лоиҳаҳои муштараки сармоягузорӣ бо MCDF баррасӣ шуд
Вазирони нақлиёти Тоҷикистон ва Корея тақвияти ҳамкориро дар соҳаи нақлиёт ва роҳи оҳан баррасӣ намуданд
Байни Агентии содироти Тоҷикистон ва Агентии рушди тиҷорат ва сармоягузории Корея Ёддошти тафоҳуми ҳамкорӣ ба имзо расонида шуд
Байни Тоҷикистон ва Корея Ёддошти тафоҳум оид ба ҳамкорӣ дар соҳаи энергетика ба имзо расонида шуд
