Дар шаҳри Бӯстон масъалаи муқовимат ба экстремизм ва терроризмро баррасӣ намуданд

Июнь 30, 2023 17:00

ДУШАНБЕ, 30.06.2023. /АМИТ «Ховар»/. 29 июн дар доираи тадбирҳои нақшаи амалигардонии «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025»  ва таъмини иҷрои меъёрҳои Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» дар шаҳри Бӯстон бо иштироки роҳбарият ва  сокинони Ҷамоати шаҳраки Палос, ходимони дин, раисони маҳаллаҳо, сардорони биноҳо ва аҳли ҷамоатчигӣ мулоқот доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.

Нахуст бо такя ба дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муқаррароти қонунгузории мамлакат доир ба самтҳои муқовимат ба экстремизм ва терроризм, пешгирии шомилшавии шаҳрвандон ба ҳизбу ҳаракатҳои ифротӣ,  тамоюлҳои бегонапарастӣ ва дигар омилҳои номатлуб ибрози назар карда шуд.

Баён гардид, ки мақсади муқовимат ба экстремизм ва терроризм дар Ҷумҳурии Тоҷикистон ҳифзи асосҳои сохтори конститутсионӣ, тамомияти арзии давлат, қонуният ва тартиботи ҳуқуқӣ, амнияти ҷамъиятӣ, ҳифзи аҳолӣ ва ҳуқуқу озодиҳои инсон ва шаҳрванд аз таҳдидҳои экстремистӣ ва террористӣ мебошанд ва ин мақсадҳо бояд тариқи баргузор намудани чорабиниҳои хусусияти ташкилӣ-ҳуқуқӣ, профилактикӣ ва ҳуқуқтатбиқкунӣ амалӣ гардонида шаванд.

Дар ҷамъомад гуфта шуд, ки ҳар фарди ватандӯст ва шаҳрванди асил имрўзҳо  бояд дар заминаи худогоҳии миллӣ ва ҳувияти фарҳангӣ андешаҳои таҳмилиро сари вақт дарк намуда, аз интишори он ҷилавгирӣ кунад. Нагузорад, ки наврасону ҷавонон, ки ҳанўз таҷрибаи зиндагӣ надоранд, ба доми ин гурўҳҳо афтанд.

Таъкид гардид, ки тавре Пешвои миллат муҳтарам Эмомалӣ Раҳмон борҳо иброз менамоянд: «Мо бояд ҳамеша дар назар дошта бошем, ки терроризм ва террористро ба худӣ ва бегона, ашаддӣ ва ислоҳгаро ё хубу бад ҷудо кардан мумкин нест. Баръакс, террорист ватан, дин, мазҳаб ва миллат надорад».

Маърӯзачиён оид ба таъсири манфии зуҳуроти терроризм ва экстремизм ёдовар гардида, аз тадбирҳои Ҳукумати Ҷумҳурии Тоҷикистон зери роҳбарии Пешвои миллат муҳтарам Эмомалӣ Раҳмон дар самти фароҳам гардидани заминаи ҳуқуқии муқовимат бо ин омилҳои номатлуб, пешгирии шомилшавии шаҳрвандон ба ҳизбу ҳаракатҳои ифротиву иртиҷоӣ, пешгирии тамоюлҳои бегонапарастӣ, пешгирии таълимоти ғайриқонунии динӣ ибрози назар намуда, бори дигар сокинонро баҳри муборизаи дастаҷамъона бо ин зуҳуроти номатлуб даъват намуданд.

Дар фарҷом байни иштирокдорон ва сокинон мубодилаи афкор доир гардид.

 АКС: Мақомоти иҷроияи ҳокимияти давлатии шаҳри Бӯстон

Июнь 30, 2023 17:00

Хабарҳои дигари ин бахш

Дар Душанбе даври омӯзишӣ аз рӯи ихтисоси кафшергарӣ оғоз шуд
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Дар шаҳри Турсунзода Маркази саломатии деҳавии «Саркор» ба истифода дода шуд
Эмомалӣ Раҳмон: «Яке аз бузургтарин ҳикмати моҳи шарифи Рамазон ва иди саиди Фитр расидан ба қадри неъматҳо мебошад»
ОГОҲӢ. Хатари лағзиши тарма ва омадани сел дар роҳҳои кӯҳии Тоҷикистон то 31 март боқӣ мемонад
Барои пешгирии амалҳои коррупсионӣ бо кормандони соҳаи тандурустии шаҳри Роғун вохӯрӣ доир гардид
МАСЛИҲАТИ МУТАХАССИС. Барои пешгирии аллергия тарзи ҳаёти солимро бояд интихоб намуд
Дар Панҷакент иҷрои Стратегияи муқовимат ба экстремизм ва терроризм баррасӣ гардид