Дар шаҳри Хоруғ амалиёти «Автобус» оғоз шуд
ХОРУҒ, 16.06.2023. /АМИТ «Ховар»/. Дар шаҳри Хоруғ амалиёти «Автобус» оғоз гардид, ки яке аз ҳадафҳои асосии он санҷиши ҳолати техникии мошинҳои боркашу мусофирбар ва пешгирии қоидавайронкуниҳо дар роҳҳои мошингард мебошад. Дар ин хусус хабарнигори минтақавии АМИТ «Ховар» иттилоъ медиҳад.
Ҳамасола аз 15 то 20 июн дар қаламрави ҷумҳурӣ амалиёти «Автобус» гузаронида мешавад. Дар ин робита, бо супориши роҳбарияти Раёсати Вазорати корҳои дохилӣ дар Вилояти Мухтори Кӯҳистони Бадахшон кормандони масъули Бозрасии давлатии автомобилии Раёсати номбурда дар вилоят корҳои фаҳмондадиҳӣ дар ҷамъиятҳои мусофирбар, терминалҳо ва корхонаву муассисаҳои нақлиётӣ баргузор намуданд.
Амалиёти «Автобус» аз терминали шаҳри Хоруғ, ки дар хати сайри Хоруғ-Душанбе ба мусофиркашонӣ машғул аст, оғоз ёфт. Ба мушоҳида расид, ки кормандони техникию тиббии ин терминал қабл аз сафар ронандагонро мавриди муоинаи тиббӣ қарор медиҳанд ва дар сурати пайдо кардани ягон аломати беморӣ сафарашро ба таъхир мегузоранд.
Санҷиши тиббӣ дар рӯзи амалиёти «Автобус» нишон дод, ки саломатии ҳамаи ронандагон хуб аст ва пас аз муоинаи ҳаматарафа ба онҳо иҷозат дода шуд, ки ба сафар бароянд.
Кормандони масъули Бозрасии давлатии автомобилӣ ба мақсади баланд бардоштани ҳолати техникӣ ва сари вақт аз санҷиш техникии давлатӣ гузаронидани воситаҳои нақлиёт, пешгирӣ аз ҳаргуна ҳодисаҳои садамавӣ дар роҳ аз маркази ташхиси техникии воситаҳои нақлиёт низ дидан намуданд.
Кормандони шуъбаи Бозрасии давлатии автомобилии вилоят зимни баргузории амалиёти «Автобус» дар баробари санҷидани ҳолати техникии воситаҳои нақлиёт ва вазъи саломатии ронандагон, ҳамчунин корҳои фаҳмондадиҳиро низ анҷом доданд.
Ба ронандагону пиёдагардон варақаҳо дар бораи риояи қоидаҳои ҳаракат дар роҳ тақсим гардид.
АКС: Раёсати Вазорати корҳои дохилӣ дар Вилояти Мухтори Кӯҳистони Бадахшон
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
