Дар шимолу шарқи Қазоқистон сӯхтори ҷангал бартараф гардид
ДУШАНБЕ, 16.06.2023 /АМИТ «Ховар»/. Рӯзи чоршанбе дар Қазоқистон дар паи татбиқи парвози мушоҳидавӣ ҳолати пурра бартараф гардидани сӯхтор дар минтақаи Абай эълон карда шуд. Тавре АМИТ «Ховар» бо истинод ба Агентии байналмиллалии иттилоотӣ «Казинформ» иттилоъ медиҳад, дар ин хусус дафтари матбуоти Вазорати ҳолатҳои фавқулодаи ин кишвар хабар додааст.
«То пурра бартараф гардидани сӯхтор дар маҳалҳои безараргардида пайваста об ва хок пошида мешавад», — омадааст дар гузориш.
Барои хомӯш кардани сӯхтор ҳудуди 1800 нафар, беш аз 350 техникаи Вазорати ҳолатҳои фавқулода, экология ва захираҳои табиӣ, мақомоти иҷроияи маҳаллии ҳокимияти давлатӣ ва Вазорати мудофиа ҷалб шудаанд.
Аз оғози сӯхтор бо чархболҳо 1858 маротиба пошидани об бо ҳаҷми беш аз 5400 тонна амалӣ карда шуд.
Дар натиҷаи хомӯш кардани сӯхтор 14 корманди хоҷагии ҷангал ба ҳалокат расиданд. Сӯхтор дар ҳудуди ҷангалзори Батпаев 8 июн оғоз ёфта, майдони умумии оташгирифта тақрибан 60 ҳазор гектарро ташкил дод.
Азиза ИКРОМ,
АМИТ «Ховар»
АКС: «Казинформ»
Имрӯз дар шаҳри Душанбе ҳаво то 34 дараҷа гарм мешавад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
