Дар Турсунзода барои раисони ҷамоатҳои шаҳраку деҳоти 4 шаҳру ноҳия машғулият гузаронида шуд

ДУШАНБЕ, 10.06.2023. /АМИТ «Ховар»/. Аз 6 то 8 июн дар шаҳри  Турсунзода барои раисони ҷамоатҳои шаҳрак ва деҳоти шаҳри Турсунзода, ноҳияҳои Роштқалъа, Ашт ва Ёвон дар мавзуи «Нақши ҷамоатҳои шаҳрак ва деҳот дар рушди иҷтимоию иқтисодии маҳал» машғулияти сайёри таҷрибаомӯзӣ баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.

Дар машғулият дар маҷмуъ раисони зиёда аз 33 ҷамоати шаҳраку деҳоти ин шаҳру ноҳияҳо иштирок намуданд.

Дар доираи машғулият иштирокчиён аз мавзеъҳои таърихӣ, боғу гулгаштҳои шаҳри Турсунзода боздид намуда, бо дастовардҳои шаҳр дар соҳаҳои гуногуни хоҷагии халқ, аз ҷумла кишоварзиву саноат ва маорифу тандурустӣ шинос шуданд.

Дар анҷоми машғулият мизи мудаввар баргузор гардида, ба иштирокчиён Гувоҳнома супорида шуд.

АКС: Мақомоти иҷроияи ҳокимияти давлатии шаҳри Турсунзода