Дар Турсунзода оид ба самтҳои афзалиятноки ҳисоббаробаркуниҳои ғайринақдӣ ва дигар хизматрасонии бонкӣ машварат баргузор шуд
ДУШАНБЕ, 23.06.2023. /АМИТ «Ховар»/. 22 июн дар Осорхона ва Китобхонаи марказии шаҳри Турсунзода машварати омӯзишии хизматрасониҳои Корхонаи воҳиди давлатии Бонки саноативу содиротии Тоҷикистон «Саноатсодиротбонк» баргузор гардид. Дар ин хусус ба АМИТ «Ховар» дар бонки мазкур иттилоъ доданд.
Дар он роҳбарияти шаҳр, намояндагони дастгоҳи марказии «Саноатсодиротбонк», маркази хизматрасонии бонкии шаҳри Турсунзода ва соҳибкорони фаъол иштирок намуданд.
Дар машварат аз ҷониби сардори шуъбаи методии дастгоҳи марказии «Саноатсодиротбонк» доир ба самтҳои афзалиятноки ҳисоббаробаркуниҳои ғайринақдӣ ва дигар хизматрасонии бонкӣ рӯнамо пешниҳод гардид.
Дар идома оид ба хизматрасониҳои бонкӣ ва имконияти «Саноатсодиротбонк» барои ҳамкорӣ ҷиҳати дастгирии бештари соҳибкорон маълумот пешниҳод карда шуд.
Дар фароварди машварат соҳибкорон-мизоҷони фаъоли «Саноатсодиротбонк» барои ҳамкории судманд ва иҷрои саривақтии уҳдадориҳояшон аз номи роҳбарияти бонк бо «Сипоснома» қадрдонӣ карда шуданд.
АКС: Корхонаи воҳиди давлатии Бонки саноативу содиротии Тоҷикистон «Саноатсодиротбонк»
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
ҚУРБИ АСЪОР: 1 рубли русӣ аз 0.1040 то 0.1099 сомонӣ муқррар шудааст
Масъалаи ҷалби мутахассисони Бонки миллии Тоҷикистон ба барномаи JISPA баррасӣ гардид
«Амонатбонк» иқдоми «Файзи Истиқлол-35»-ро пешниҳод намуд
