Хонандагони муассисаи таҳсилоти миёнаи умумии №1-и ноҳияи Дарвоз соҳиби мактаби замонавӣ мешаванд
ДУШАНБЕ, 16.06.2023 /АМИТ «Ховар»/. Дар ноҳияи Дарвоз корҳои сохтмонии Муассисаи таҳсилоти миёнаи умумии №1 бомаром идома дорад. Дар ноҳияи Дарвоз Вазири фарҳанги Ҷумҳурии Тоҷикистон Зулфия Давлатзода ва Раиси ноҳия Саидбурҳони Абдураҳмонзода бо рафти корҳои сохтмонии бинои мактаби мазкур аз надик шинос шуданд, хабар медиҳад АМИТ «Ховар» бо истинод ба Вазорати фарҳанги Ҷумҳурии Тоҷикистон.
Муассисаи таҳсилоти миёнаи умумии №1-и ноҳияи Дарвоз бо дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо тарҳу нави муосир, дар асоси нақшаи чорабиниҳо бахшида ба Ҷашни 35-солагии Истиқлоли давлатии Ҷумҳурии Тоҷикистон сохта мешавад.
Дар муассисаи мазкур қисми зиёди корҳо ба анҷом расида, мутахассисон ба васлу насби таҷҳизот ва дигар аёниятҳои дарсӣ дар синфхонаҳои фаннӣ саргарми кор мебошанд.
Дар доираи омодагиҳо ба Ҷашни 35-солагии Истиқлоли давлатии Ҷумҳурии Тоҷикистон дар ноҳияи Дарвоз бунёди иншооти дигари таъйиноти гуногун, аз ҷумла муассисаҳои фарҳангӣ, таълимӣ, тиббӣ, коргоҳу корхонаҳои саноатӣ ва дигар корҳои созандагию ободонӣ бо маром идома дорад.
Гурӯҳи корӣ ҳамчунин бо вазъи корҳои сохтмонӣ дар бинои Кумитаи иҷроияи Ҳизби Халқии Демократии Тоҷикистон дар ноҳияи Дарвоз шинос шуд. Ба масъулин ҷиҳати бо сифати баланд анҷом додани корҳои сохтмонӣ ва дар муҳлати муайяншуда ба истифода додани иншооти ҷашнӣ дастуру тавсияҳои муфид дода шуд.
АКС: Вазорати фарҳанги Ҷумҳурии Тоҷикистон
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
