Намояндаи махсуси Вазорати корҳои хориҷии Корея меҳмони Донишгоҳи байналмилалии забонҳои хориҷии Тоҷикистон шуд
ДУШАНБЕ, 21.06.2023 /АМИТ «Ховар»/. Масъалаҳои марбут ба дурнамои ҳамкорӣ, татбиқи созишномаҳои байни Донишгоҳи байналмилалии забонҳои хориҷии Тоҷикистон бо донишгоҳҳои Ҷумҳурии Корея ва омӯзиши забонҳои тоҷикию кореягӣ дар мулоқоти ректори Донишгоҳи байналмилалии забонҳои хориҷии Тоҷикистон ба номи Сотим Улуғзода Жило Гулназарзода бо Намояндаи махсуси Вазорати корҳои хориҷии Корея Пэк Чуҳён ва Сафири Ҷумҳурии Корея дар Ҷумҳурии Тоҷикистон Квон Донгсок дар Душанбе баррасӣ гардид.
Тавре АМИТ «Ховар» бо истинод ба Донишгоҳи байналмилалии забонҳои хориҷии Тоҷикистон ба номи Сотим Улуғзода иттилоъ медиҳад, дар мулоқот дар бораи Донишгоҳ ва шуъбаи забони кореягӣ маълумот дода шуда, иброз гардид, ки дар факултети забонҳои Осиё 98 нафар донишҷӯ ва 196 нафар дар курси омӯзиши забони кореягӣ таҳсил менамоянд. Ба онҳо 5 нафар омӯзгор, аз ҷумла, 1 муаллими соҳибзабон таълим медиҳанд.
Намояндаи махсуси Вазорати корҳои хориҷии Корея Пэк Чуҳён изҳор намуд, ки барои тавсеаи равобити судманди дуҷониба саҳми худро гузошта, барои амалӣ шудани пешниҳодҳои ироашуда мусоидат хоҳад кард.
Аз ҷониби раёсати Донишгоҳ ба меҳмонон китоби дуҷилдаи «Забони миллат – ҳастии миллат» — и Пешвои миллат муҳтарам Эмомалӣ Раҳмон, ки бо ибтикори раёсати Донишгоҳи байналмилалии забонҳои хориҷии Тоҷикистон ба номи Сотим Улуғзода бо забонҳои русӣ, англисӣ ва чинӣ тарҷума гардидааст, муаррифӣ шуда, тақдим гардид. Инчунин бо иштироки Намояндаи махсуси Вазорати корҳои хориҷии Корея дар мавзуи «Ҳамкорӣ ба хотири фардои Тоҷикистон ва Корея» суҳбати озод бо омӯзгорону донишҷӯёни Донишгоҳ доир шуд.
АКС: Донишгоҳи Донишгоҳи байналмилалии забонҳои хориҷии Тоҷикистон ба номи Сотим Улуғзода
Тоҷикистон ва Чин оид ба тақвияти мубодилаи илмӣ, техникӣ ва гуманитарӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
