Намояндаи Тоҷикистон дар ҳамоиши байналмилалӣ дар Чин иштирок намуд
ДУШАНБЕ, 14.06.2023. /АМИТ «Ховар»/. 10 июн муовини директори Маркази тадқиқоти стратегии назди Президенти Ҷумҳурии Тоҷикистон Парвиз Муҳаммадзода дар ҳамоиши байналмилалӣ, ки дар Институти тадқиқоти Роҳи Абрешими Донишгоҳи шимолу ғарбии шаҳри Сиани Ҷумҳурии Мардумии Чин доир гардид, иштирок намуд, хабар медиҳад АМИТ «Ховар» бо истинод ба хадамоти матбуоти Маркази тадқиқоти стратегӣ.
Дар чорабинии мазкур роҳбарияти марказҳои зеҳнии Донишгоҳи шимолу ғарбии Чин, пажуҳишгарони Институти тадқиқоти Роҳи Абрешим ва Институти Осиёи Марказии Донишгоҳи мазкур, намояндагони воситаҳои ахбори омма ва дигар коршиносон иштирок намуданд.
Дар ин ҳамоиши байналмилалӣ Парвиз Муҳаммадзода сухан гуфта, нақш ва саҳми арзишманди Асосгузори сулҳу ваҳдат миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар пешбурди ҳамкории мутақобилан судманд байни Тоҷикистон ва Чин махсус таъкид намуд.
Номбурда ҳамчунин оид ба дастовардҳои 31 соли ҳамкории дуҷониба ва бисёрҷонибаи Тоҷикистон ва Чин ва муносиботи минбаъдаи ин ду давлати дӯст ибрози андеша намуд.
Изҳор гардид, ки бастаи санадҳои нави ҳамкорӣ, ки зимни сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Мардумии Чин дар моҳи майи соли равон ба имзо расид, барои таъмини шарикиии стратегии ҳамаҷониба байни ду давлат ҳамаҷониба мусоидат менамоянд.
АКС: Хадамоти матбуотии Маркази тадқиқоти стратегии назди Президенти Ҷумҳурии Тоҷикистон
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
