Олимон дар ғизо манбаи тасодуфии пластикиро ошкор намуданд

ДУШАНБЕ, 07.06.2023 /АМИТ «Ховар»/. Тахтачаҳои ошпазӣ ба манбаъи асосии зарраҳои пластикии микроскопӣ мубаддал мегарданд, ки баъдан онҳо ба таркиби ғизо роҳ меёбанд. Ба чунин хулоса омадаанд мутахассисони Ҷамъияти кимиёвии Амрико ҳангоми таҳқиқот, ки он дар маҷаллаи «Environmental Science & Technology» ба нашр расидааст.

Ҳамин тавр, ҳангоми реза кардани маҳсулот дар тахтачаҳо зарраҳои хурдтарини пластикӣ боқӣ мемонанд. Ҳаҷми онҳо дар як сол аз 14 то 71 миллион микрозарраро ташкил медиҳад.

Муайян шудааст, ки қисми зиёди зарраҳо аз тахтаҳои ошпазии чўбин баромадаанд — шумораи онҳо аз сатҳи «табиӣ» назар ба пластмасса 4—22 баробар зиёд будааст.

Муҳаққиқон инчунин мушоҳида карданд, ки микроорганизмҳо дар маҳсулотҳои буридашуда ва хатҳои кафидаи тахтача ҷамъ мешаванд. Онҳоро шустан хеле душвора аст, бинобар ин дар он ҷо бактерияҳо ва вирусҳо афзоиш меёбанд.

Санҷиши бехатарии ин зарраҳо барои организм нишон додааст, ки онҳо ба қобилияти ҳуҷайраҳои муш дар озмоишҳои лабораторӣ таъсири ҷиддӣ нарасонидаанд.

Азиза ИКРОМ,
АМИТ «Ховар»

АКС аз манбаъҳои боз