Ширкати муштараки сармоягузорӣ байни Тоҷикистон ва Узбекистон ба фаъолият шуруъ хоҳад кард

Июнь 2, 2023 13:39

ДУШАНБЕ, 02.06.2023 /АМИТ «Ховар»/. Масъалаи ба фаъолият шуруъ намудани Ширкати муштараки сармоягузорӣ байни Тоҷикистон ва Узбекистон дар мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода бо Директори Фонди таҷдид ва рушди Ҷумҳурии Узбекистон Шӯҳрат Вафоев дар Тошканд баррасӣ шуд.

АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад, ки Сафири Тоҷикистон дар ҷараёни мулоқот мушкилоти ҷойдошта, роҳҳои ҳалли он ва ҳарчи тезтар ба фаъолият шуруъ намудани ширкати муштаракро муҳим арзёбӣ намуд.

Ширкати сармоягузории Тоҷикистон ва Узбекистон дар шакли Ҷамъияти дорои масъулияти маҳдуд /ҶДММ/ бо сармояи оинномавии ибтидоии 12 миллион доллар таъсис ёфта, ҳаҷми сармояи он  марҳила ба марҳила то 100 миллион доллари амрикоӣ расонида мешавад.

Ҳиссаи Фонди таҷдиду рушд дар ташаккули сармояи оинномавии он 75 фоиз ва ҳиссаи ҷониби Тоҷикистон 25 фоизро ташкил медиҳад.

Ҳадафи ширкати сармоягузорӣ маблағгузории лоиҳаҳои муштарак дар қаламрави Тоҷикистон аст.

Ҳамзамон якчанд лоиҳаи сармоягузорӣ, ки аз ҷониби Кумитаи давлатии сармоягузорӣ ва идораи амволи давлатии Ҷумҳурии Тоҷикистон пешниҳод шуда буд, барои омӯзиш ва дастгирӣ ба Роҳбари Фонди таҷдид ва рушди Узбекистон пешниҳод гардид.

АКС: Сафорати Ҷумҳурии Тоҷикистон дар Ҷумҳурии Узбекистон

Июнь 2, 2023 13:39

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад