Созмони ҷаҳонии тандурустӣ нақшаи нави вокуниш ба ҳолатҳои фавқулода дар соҳаи тандурустиро таҳия намуд
ДУШАНБЕ, 13.06.2023 /АМИТ «Ховар»/. Идораи минтақавии Созмони ҷаҳонии тандурустӣ дар Аврупо рӯзи душанбе оғоз гардидани нақшаи гузариш ба марҳилаи нави муносибат ба COVID-19 ва ҳолатҳои фавқулода дар соҳаи тандурустиро эълон намуд. Дар ин хусус АМИТ «Ховар» бо истинод ба ТАСС иттилоъ медиҳад.
Нақшаи мазкур сармоягузорӣ ва таваҷҷуҳи афзояндаи давлатҳоро ба назорати муштарак, нигоҳдорӣ ва афзоиши иқтидори лабораторӣ барои ҷамъоварӣ ва таҳлили маълумот дар бораи COVID-19, инчунин пешниҳоди нақшаҳои мушаххас, шуруъ аз вокуниш ба пандемияи COVID-19 ва зуком то ба банақшагирии ҳамаҷонибаи вокуниш ба пандемияи вируси роҳи нафасро дар бар мегирад.
Гузариш ба марҳилаи нав бояд заминаи барномаи панҷсолаи минтақавии амал оид ба таҳкими омодагӣ ба ҳолатҳои фавқулода дар соҳаи тандурустӣ, вокуниш ба онҳо ва устуворӣ дар минтақаи Аврупоии Созмони ҷаҳонии тандурустӣ барои солҳои 2024 — 2029 бошад.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар ноҳияҳои алоҳидаи Тоҷикистон чангу ғубор ба амал меояд
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
