Тағйирёбии иқлим парвози тайёраҳоро мураккаб гардонидааст

ДУШАНБЕ, 11.06.2023 /АМИТ «Ховар»/. Тибқи хулосаи олимони Донишгоҳи Рединги Британияи Кабир, бо сабаби тағйирёбии иқлим ҷараёни ҳавои гарм турбулентияти тайёраҳоро зимни парвоз 55 фоиз зиёд мекунад, ки ин дар навбати худ боиси пурхатар ва гаронтар шудани парвози тайёраҳо мегардад. Дар ин хусус АМИТ «Ховар» бо такя ба агентии иттилоотии «Рамблер» хабар медиҳад.

«Турбулентияти ҷараёни ҳаво идораи тайёраҳоро дар осмон мушкилтар ва худи парвозро пурхатар мекунад. Ширкатҳои ҳавонавардиро мебояд ҷиҳати бартараф кардани афзоиши турбулентияти ҷараёни ҳаво тадбирҳои зарурӣ андешанд. Зеро ҳавонавардон барои аз минтақаҳои хавфнок берун кардани тайёраҳо маҷбур мешаванд, ки хати сайрро тағйир диҳанд, ки дар натиҷа танҳо дар ИМА ширкатҳои ҳавонавардӣ ҳамасола аз 150 миллион то 500 миллин доллари ИМА зарари моливӣ мебинанд— навиштааст нашрияи «The Guardian».

Олимон муайян кардаанд, ки гармшавии босуръати иқлим ба парвози тайёраҳо аз ҳама бештар таъсири манфӣ мерасонад.

АКС аз манбаъҳои боз