«TEENEAGLE 2023». Ду нафар хонандаи шаҳри Хуҷанд дар олимпиадаи байналмилалии Лондон сазовори ҷои ифтихорӣ гардиданд
ДУШАНБЕ, 29.06.2023. /АМИТ «Ховар»/. Ду нафар хонандаи муассисаҳои таълимии шаҳри Хуҷанд- толибаи Муассисаи таълимии давлатии Русияву Тоҷикистон «Мактаби миёна бо омӯзиши амиқи фанҳои алоҳида дар шаҳри Хуҷанд ба номи А. Чехов» Нозанин Комилова ва хонандаи мактаби хусусии Камоли Хуҷандӣ Абӯбакр Орипов дар Олимпиадаи байналмилалии «TEENEAGLE 2023» иштироки фаъолона намуда, Нозанин мақоми дуюм ва Абӯбакр ҷойи сеюмро дар ин олимпиадаи бонуфузи байналмилалӣ ба даст оварданд. Дар ин хусус АМИТ «Ховар» бо истинод ба маркази матбуоти Раиси шаҳри Хуҷанд хабар медиҳад.
Бояд гуфт, ки аз 18 то 25 июни соли равон дар Донишгоҳи Брунели шаҳри Лондони Подшоҳии Муттаҳидаи Британияи Кабир, даври ниҳоии Олимпиадаи байналмилалии «TEENEAGLE 2023», аз фанни забони англисӣ баргузор гардид.
Олимпиадаи мазкур аз рўи 3 категорияи синнусолӣ доир гардида, байни хонандагони синфҳои 3-11 баргузор шуд. Дар даври ниҳоии олимпиада, ғолибони даврҳои фосилавии озмун аз 55 кишварҳои олам, зиёда аз 750 нафар хонандагон иштирок намуданд.
Тими мунтахаби Ҷумуҳурии Тоҷикистонро 59 нафар хонандагони синфҳои 3-11 аз муассисаҳои гуногуни мамлакат муаррифӣ намуданд.
13 нафар хонандагон- 5 нафар аз «Мактаби президентӣ барои хонандагони болаёқат», 5 нафар аз мактаби Камоли Хуҷандӣ, 1 нафар аз Муассисаи таълимии давлатии Русияву Тоҷикистон «Мактаби миёна бо омӯзиши амиқи фанҳои алоҳида дар шаҳри Хуҷанд ба номи А.Чехов» ва 2 нафар аз Мактаби хонандагони болаёқати ноҳияи Бобоҷон Ғафуров иштирок намуда, сазовори 2 ҷойи дуюм ва 4 ҷойи сеюм гардиданд.
Маросими ҷоизасупории олимпиадаи мазкур дар Донишгоҳи Кембриҷ баргузор гардид.
Хонандагони ғолибро Раёсати маорифи вилояти Суғд ва волидайну ҳамсабақон дар назди майдони Парчами миллӣ истиқбол гирифтанд.
АКС: Дафтари матбуоти Раиси шаҳри Хуҷанд
Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
