Устодон ва кормандони Донишгоҳи миллии Тоҷикистон соҳиби хонаҳои истиқоматӣ гардиданд
ДУШАНБЕ, 17.06.2023. /АМИТ «Ховар»/. Дар пайравӣ ва дастгирии сиёсати маорифпарварваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз бо ибтикори Ректори Донишгоҳи миллии Точикистон, профессор Қобилҷон Хушвахтзода ба ифтихори ҷашни Рӯзи Ваҳдати миллӣ 39 оила, аз ҷумлаи устодон ва кормандони Донишгоҳи миллии Тоҷикистон соҳиби хонаҳои истиқоматии наву замонавӣ гардиданд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Калиди хонаҳои истиқоматиро муовини Сарвазири Ҷумҳурии Тоҷикистон Матлубахон Сатториён ба соҳибонашон супорид.
Дар маросими тақдими хонаҳои истиқоматӣ таъкид гардид, ки ин дастовези идона бори дигар аз фазои сулҳу ваҳдату бунёдкориҳо дар Тоҷикистон дарак дода, масъулияту садоқати омӯзгоронро дар таълиму тарбияи ҷавонон бештар менамояд.
Ҳамзамон ба се корманди донишгоҳ, ки фарзандони маъюб доранд, аз ҷониби раёсати донишгоҳ ғамхории махсус зоҳир карда шуд. Манзилҳои истиқоматии онҳо бо баъзе таҷҳизоти муҳими рӯзгор таъмин гардид, ки ин амал низ дар доираи ғамхориҳои Пешвои миллат муҳтарам Эмомалӣ Раҳмон нисбат ба қишри ниёзманди ҷомеа анҷом дода шуд.
Дар хотима ба фарзандону кӯдакони 25 оилаи устодон дар арафаи Рӯзи Ваҳдати миллӣ туҳфаҳои идона супорида шуд.
Ёдовар мешавем, ки ки соли гузашта дар ҳамин шабу рӯз ба 39 корманду омӯзгори донишгоҳ хонаҳои истиқоматӣ тақдим гардида буд. Дар давоми танҳо ду сол қариб 80 устоду корманди донишгоҳ соҳиби манзил шуд, ки дар таърихи донишгоҳ руйдоди камназир аст.
АКС: Донишгоҳи миллии Тоҷикистон
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
