Агентии хизмати давлатӣ: 46 ҳолати қабули хизматчиёни давлатӣ бе баргузории озмун мушоҳида гардид
ДУШАНБЕ, 27.07.2023. /АМИТ «Ховар»/. Аз ҷониби Агентии хизмати давлатӣ ҳангоми санҷишҳо ҳолати риоя нашудани талаботи қонунгузории хизмати давлатӣ зимни татбиқи технологияҳои кадрӣ ҳангоми интихоби ҳайати роҳбарикунандаи ҷамоатҳо таҳия, тасдиқ ва истифодаи дастурамалҳои мансабӣ ҷой дорад, мушоҳида гардид. Дар ин хусус имрӯз Директори Агентӣ Ҷумъа Давлатов зимни нишасти матбуотӣ ба рӯзноманигорон иттилоъ дод.
Ҳамзамон таъкид шуд, ки Дастурамали талаботи тахассусӣ барои хизматчиёни давлатии маъмурии Ҷумҳурии Тоҷикистон дар аксар ҷамоатҳои шаҳраку деҳоти шаҳру ноҳияҳои санҷидашуда риоя нашуда, зимни санҷиш 47 ҳолати ба талаботи тахассусӣ аз рӯи ихтисос ва сатҳи таҳсилот ҷавобгӯ набудани бархе аз хизматчиёни давлатии ҷамоатҳои шаҳраку деҳоти мазкур муайян гардид.
«Дар маҷмуъ аз натиҷаи таҳлили вазъи иҷрои қонунгузории хизмати давлатӣ санадҳои санҷишӣ ба мақомоти иҷроияи ҳокимияти давлатии шаҳру ноҳияҳои дахлдор ҷиҳати бартараф намудани камбудиҳо ирсол шуданд»,- изҳор дошт Директори агентӣ.
Иттилоъ дода шуд, ки аз ҷониби мақомоти иҷроияи ҳокимияти давлатии шаҳру ноҳияҳои санҷидашуда нақшаи чорабиниҳо вобаста ба бартараф намудани камбудиҳои аз ҷониби Агентии хизмати давлатӣ ошкоршуда тасдиқ шуда, то ин вақт қисми зиёди камбудиҳо бартараф гардиданд. Фаъолият дар ин самт идома дошта, ҷараёни минбаъдаи бартараф намудани камбудиҳо таҳти назорати Агентии хизмати давлатӣ қарор дода шудааст.
Шаҳлои САДРИДДИН
АМИТ «Ховар»
АКС: АМИТ «Ховар»
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
Имрӯз дар шаҳри Душанбе ҳаво то 33 дараҷа гарм мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
