Ба Тоҷикистон 2 миллиону 551 ҳазор воя ваксинаи зидди бемории сурхча ворид гардид
ДУШАНБЕ, 04.07.2023. /АМИТ «Ховар»/. 3 июли соли равон ба Тоҷикистон 2 миллиону 551 ҳазор воя ваксинаи зидди бемории сурхча ворид карда шуд. Дар ин хусус АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Вазорати тандурустӣ ва ҳифзи иҷтимоии аҳолӣ нақша дорад, ки байни кӯдакони аз 6 — моҳа то 15 -сола, ки 2 миллиону 633 ҳазору 54 нафарро ташкил медиҳанд, маъракаи ваксинагузаронӣ зидди бемории сурхчаро гузаронад.
Ногуфта намонад, ки аз 27 феврали соли 2021 бо Қарори Ҳукумати Ҷумҳурии Тоҷикистон «Барномаи миллии иммунопрофлактика дар Ҷумҳурии Тоҷикистон барои солҳои 2021-2025» қабул гардид.
Барномаи мазкур бо мақсади тамини амнияти санитариву эпидемиологии аҳолии мамлакат, пешгирии пайдоиши паҳншавии бемориҳои сироятӣ ба воситаи иммунизатсия идорашаванда, устувор нигоҳ доштани мақоми давлати озод аз бемории фалаҷ ва баланд бардоштани дастрасии сифатнокӣ ва самаранокии хитзматрасонии тиббӣ, беҳтар намудани саломатии модар ва кӯдак, таъмини дарозумрии аҳолӣ ва пурзўр намудани кӯмаки аввалияи тиббиву санитарӣ таҳия шудааст.
Бояд гуфт, ки бо мақсади иҷрои бандҳои барномаи мазкур бо дастгирии пайвастаи Ҳукумати мамлакат ва шарикони рушд марҳила ба марҳила ба ҷумҳурӣ ваксинаҳо ворид карда мешаванд.
Дар шаш моҳи соли 2023 ба Ҷумҳурии Тоҷикистон 2 миллиону 430 ҳазор воя ваксинаҳои гуногун баҳри пешгирии бемориҳои сироятӣ ба воситаи иммунизатсияи идорашаванда ворид карда шудаанд.
АКС аз манбаъҳои боз
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
150 нафар соҳиби шаҳодатномаи маҳфили «Пайравони Пешвои миллат» гардиданд
ОГОҲӢ! Аз 6 то 8 июн дар баъзе минтақаҳои Тоҷикистон омадани сел пешгӯӣ мешавад
Татбиқи лоиҳаи «Таҳсилоти касбию техникӣ ва омӯзиш дар минтақаҳои кӯҳии Ҷумҳурии Тоҷикистон» баррасӣ гардид
Дар Кӯлоб аксари иншооти аз офати табиӣ осебдида барқарор гардида, оилаҳои зарардида соҳиби хонаҳои нав мешаванд
Дар Душанбе Форуми соҳибкории занон, сармоягузорӣ ва технология оғоз гардид
ТАЪТИЛИ ТОБИСТОНА. 24 истироҳатгоҳи мавсимии беруназшаҳрӣ барои қабули кӯдакону наврасон омода мебошанд
Дар ноҳияи Айнӣ пайомадҳои офати табиӣ бартараф мегарданд
Нахустин ҷаласаи Раёсати Шурои ҷамъиятии «Занони Тоҷикистон» баргузор шуд
Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
