Барои таъмини муассисаҳои соҳаи маориф ба Вилояти Мухтори Кӯҳистони Бадахшон 449 мутахассиси ҷавон фиристода шуд
ДУШАНБЕ, 13.07.2023 /АМИТ «Ховар»/. Барои таъмини муассисаҳои соҳаи маориф бо кадрҳои омўзгорӣ аз тарафи Вазорати маориф ва илми Ҷумҳурии Тоҷикистон 449 нафар мутахассисони ҷавон ба Вилояти Мухтори Кӯҳистони Бадахшон фиристонда шуданд, ки 130 нафарашон тибқи квотаи президентӣ мактабҳои олиро хатм намудаанд. Ин нукта 12 июли соли равон зимни таҳлили фаъолияти нимсолаи соҳаи иҷтимоӣ дар ҷаласаи машваратии ҷамъбасти натиҷаҳои рушди иқтисодиву иҷтимоии Вилояти Мухтори Кӯҳистони Бадахшон дар нимсолаи аввал ва вазифаҳо барои нимсолаи дуюми соли 2023 таъкид карда шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Гуфта шуд, ки дар ин муддат сохтмони 11 иншооти таълимӣ бо ҷалби 140 миллион сомонӣ ба нақша гирифта шудааст, ки аз ин шумора сетоаш кӯдакистон мебошад.
Ёдовар мешавем, ки соли 2022 Сарвари давлат муҳтарам Эмомалӣ Раҳмон зимни суханронӣ дар Рӯзи дониш ва ифтитоҳи бинои асосии Донишгоҳи давлатии тиббии Тоҷикистон ба Вазорати маориф ва илми мамлакат супориш доданд, ки масъалаи бо кадрҳои омӯзгорӣ пурра таъмин кардани муассисаҳои таҳсилоти миёнаи умумиро дар кӯтоҳтарин муҳлат ҳал намояд.
Ҳамзамон дар ҷаласаи машваратӣ омодагии муассисаҳои таҳсилоти миёнаи умумии вилоят ба соли нави хониш баррасӣ гардида, баён карда шуд, ки тибқи фармоиши пешакии шуъбаҳои маорифи шаҳру ноҳияҳои вилоят дар соли нави таҳсил хонандагон ба беш аз 25 ҳазор либоси мактабӣ ниёз доранд.
Дар ин маврид раисони шаҳру ноҳияҳо супориш гирифтанд, ки аз ҳисоби корхонаи «Меҳри модар»-и ноҳияи Дарвоз, «Баҳори ишқ»-и шаҳри Хоруғ, корхонаи дўзандагии «Бунёд»-и ноҳияи Шуғнон ва «Салтанат»-и ноҳияи Мурғоб нақшаи дўхти либоси мактабиро таъмин намоянд.
София ШОИК,
АМИТ «Ховар»
АКС аз манбаъҳои боз
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Маркази «Ганҷинаи ҳунаристони маърифат ва фарҳанги миллӣ» ба фаъолият оғоз намуд
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
Дар Хуҷанд сохтмони бинои иловагии гимназияи рақами№4 оғоз гардид
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
