Бонки Авросиёии рушд барои татбиқи лоиҳаҳои афзалиятноки Тоҷикистон 650 миллион доллар маблағгузорӣ менамояд
ДУШАНБЕ, 01.07.2023. /АМИТ «Ховар»/. Бонки Авросиёии рушд дар давраи солҳои 2023-2026 барои татбиқи лоиҳаҳои афзалиятноки Тоҷикистон 650 миллион доллар маблағгузорӣ менамояд. Ин тавофуқ дар мулоқоти Вазири рушди иқтисод ва савдои Ҷумҳурии Тоҷикистон Завқӣ Завқизода бо Раиси Бонки Авросиёии рушд Николай Подгузов ба даст омад.
Тавре ба АМИТ «Ховар» дар Вазорати рушди иқтисод ва савдо иттилоъ доданд, мулоқот дар ҳошияи ҷаласаи солонаи Шӯрои Бонки Авросиёии рушд дар шаҳри Остонаи Ҷумҳурии Қазоқистон баргузор гардид.
Зимни он ҷонибҳо масъалаҳои густариши ҳамкорӣ байни Ҷумҳурии Тоҷикистон ва Бонки Авросиёии рушд, ҷалби маблағҳои имтиёзнок вобаста ба таъсири омилҳои берунӣ ва нақшаи зиддибуҳронии Ҳукумати ҷумҳурӣ, лоиҳаҳои нави афзалиятнок дар асоси ҳадафҳои рушди мамлакат ва дурнамои ҳамкории миёнамуҳлатро мавриди баррасӣ қарор доданд.
Дар робита ба ин аз Раиси Бонки Авросиёии рушд дархост карда шуд, ки маблағгузорӣ ба соҳаҳои иҷтимоию иқтисодии Тоҷикистон барои ноил гардидан ба ҳадафу афзалиятҳои стратегии Ҳукумати ҷумҳурӣ, аз ҷумла рушди иқтисоди сабз, саноатикунонӣ, тақвияти иқтидори содиротӣ, иқтисоди рақамӣ ва соҳаҳои иҷтимоӣ зиёд карда шавад.
Ҷониби Бонки Авросиёии рушд омодагии худро барои зиёд намудани маблағгузории лоиҳаҳо дар самтҳои пешниҳодгардида баён намуда, итминон дод, ки сандуқи сармоягузориро дар Ҷумҳурии Тоҷикистон то 5 фоизи ҳаҷми умумии сандуқи сармоягузории Бонк афзоиш медиҳад.
Бояд тазаккур дод, ки то имрӯз аз ҷониби Бонки Авруосиёии рушд ва сохторҳои он 13 лоиҳаҳои сармоягузорӣ ба маблағи умумии 266,4 миллион доллар, аз ҷумла 7 лоиҳаҳои грантию имтиёзноки Хазинаи Авруосиёи Устуворӣ ва Рушди Бонки Авруосиёии рушд ба маблағи 215 миллион доллар ва 6 лоиҳаи худи Бонк ба маблағи 51,4 миллион доллар дар соҳаҳои гуногуни иқтисоди Ҷумҳурии Тоҷикистон амалӣ карда шуданд.
Дар фарҷом ҷонибҳо ба мувофиқа расиданд, ки дар давоми солҳои 2023-2026 Бонки Авросиёии рушд барои татбиқи лоиҳаҳои афзалиятноки мамлакат 650 миллион доллар маблағгузорӣ менамояд.
АКС: Вазорати рушди иқтисод ва савдои Ҷумҳурии Тоҷикистон
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
