Боронҳои шадиди ҳафтаи равон сабаби ба ҳалокат расидани 100 нафар ва бесарусомонӣ дар шимоли Ҳиндустон шуданд
ДУШАНБЕ, 14.07.2023 /АМИТ «Ховар»/. Дар шимоли Ҳиндустон беш аз 100 нафар ба ҳалокат расид. Бориши муссонӣ, ки боиси ярч ва обхезӣ гардид, чанд рӯз боз қатъ намегардад. Дар ин хусус АМИТ «Ховар» бо истинод ба Euronews иттилоъ медиҳад.
Аксари ҳалокшудагон дар музофоти кӯҳистонии Ҳимачал — Прадеш ба қайд гирифта шуда, дар он ҷо мошинҳо, автобусҳо, пулҳо ва хонаҳоро селҳои тӯфонӣ шуста бурданд ва ярчҳо фаромаданд.
Дар Деҳлии Нав тамоми кӯчаҳои назди дарёи Ҷамуна, аз ҷумла якчанд биноҳои ҳукуматӣ зери об мондаанд. Ҳазорон нафар ба ҷойҳои бехавф кӯчонида шуда, мактабу коллеҷҳо баста шудаанд.
Тибқи иттилои мақомот, ин бузургтарин боришотест, ки дар Ҳиндустон дар даҳсолаҳои охир ба амал меояд.
Обуҳавошиносон рӯзҳои наздик дар минтақаҳои шимолии кишвар боришоти дигарро пешбинӣ менамоянд.
Азиза ИКРОМ,
АМИТ «Ховар»
АКС: Euronews
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
