Дар арафаи ҷашни Истиқлоли давлатӣ кормандони Мақомоти иҷроияи ҳокимияти давлатии ноҳияи Роштқалъа соҳиби хона мешаванд
ХОРУГ, 17.07.2023 /АМИТ «Ховар»/. Гурӯҳе аз кормандони Мақомоти иҷроияи ҳокимияти давлатии ноҳияи Роштқалъаи Вилояти Мухтори Кӯҳистони Бадахшон дар остонаи 32-юмин солгарди Истиқлоли давлатии Ҷумҳурии Тоҷикистон соҳиби хонаҳои истиқоматӣ мегарданд, хабар медиҳад мухбири минтақавии АМИТ «Ховар» Файз Мирасан.
Ба гуфтаи муҳандиси Ҷамъияти масъулияташ маҳдуди «Инвестстрой» Насим Имомқулов, «ҳоло корҳои асосии сохтмонӣ ба анҷом расонида шуда, танҳо баъзе корҳои ҷузъӣ боқӣ мондаанд, ки давоми якуним моҳи оянда ба охир мерасанд. Бино аз панҷ ошёна иборат буда, таҳкурсии он се сол пеш гузошта шуд. Хонаҳо аз як ва ду ҳуҷра иборат мебошанд, аммо хеле васеъ ва бароҳат ҳастанд. Сифати корҳои бинокорон низ ба меъёрҳои сохтмонии замони муосир посухгӯ мебошад. Ин бинои истиқоматӣ дар маркази ноҳия-дар канори бинои мақомоти иҷроияи ҳокимияти давлатии ноҳия ҷойгир буда, кормандони масъули мақомоти мазкур ҳар сари чанд вақт кори бинокоронро назорат мекунанд ва то ҳол аз тарафи онҳо ягон эрод гирифта нашудааст».
«Ҳамзамон дар паҳлуи ин бино боз як бинои дигари панҷошёнаи истиқоматӣ сохта мешавад. Ҳоло бинокорон корҳои хиштчинию бетонрезиро дар ошёнаҳои якуму дуюм ба анҷом расонида, ҳафтаи оянда корҳоро дар ошёнаи сеюм идома медиҳанд»,-афзуд Насим Имомқулов.
Ин дуюмин бинои истиқоматӣ барои кормандони мақомоти давлатии ноҳия аст, ки дар замони истиқлоли давлатӣ бунёд мегардад. Чанд сол пеш дар маркази ноҳия хонаҳои истиқоматии якошёнаи як ва дуҳуҷрагӣ мавриди истифода қарор дода шуданд.
Дар баробари ин бинои истиқоматӣ ҳамчунин дар маркази ноҳия сохтмони биноҳои Беморхонаи марказӣ, Муассисаи давлатии Мактаби президентӣ ва шуъбаи шуғли аҳолӣ ва муҳоҷират идома дорад.
Баъди мавриди баҳрабардорӣ қарор гирифтани ин биноҳои хуштарҳу замонавӣ симои маркази ноҳияи Роштқалъа ба таври куллӣ тағйир меёбад.
АКС: АМИТ «Ховар»
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
