Дар Чин ҳангоми фурӯ рафтани шифти мактаб нуҳ нафар ҳалок шуданд
ДУШАНБЕ, 24.07.2023 /АМИТ «Ховар»/. Фурӯ рафтани шифт дар бинои варзишӣ дар ҳудуди мактаби таҳсилоти миёнаи шаҳри Ситсикари музофоти Ҳэйлунҷзяни шимолу шарқи Ҷумҳурии Мардумии Чин сабаби ҳалокати 9 нафар шуда, ду нафари дигар зери харобаҳо мондаанд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи душанбе Телевизиони марказии Чин хабар додааст.
Қаблан шабакаи телевизионӣ хабар дода буд, ки рӯзи якшанбе, соати 16:00 ба вақти Пекин дар яке аз муассисаҳои таълимии ин шаҳр шифт фурӯ рафт. Дар натиҷа қариб 10 нафар зери харобаҳо мондаанд.
Маълум мешавад, ки ду нафари дигар то ҳол бедарак ҳисобида мешаванд. Мақомот амалиёти ҷустуҷӯ ва наҷотро идома медиҳанд.
Тибқи маълумоти пешакии тафтишот, шифти бинои варзишӣ бар асари вайрон намудани қоидаҳои таъмир осеб дидааст. Баъдан боронҳо сабаби фурӯравии он гардидаанд.
Кормандони полис масъулони ширкатро, ки корҳои таъмириро анҷом додаанд, боздошт карданд. Тафтиши кор идома дорад.
Азиза ИКРОМ,
АМИТ «Ховар»
АКС аз манбаъҳои боз
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 маротиба зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
