Дар Деҳлӣ бар асари обхезӣ қариб 24 000 нафар кӯчонида шуданд
ДУШАНБЕ, 15.07.2023 /АМИТ «Ховар»/. Мақомоти минтақаи миллии пойтахти Деҳлӣ (Ҳиндустон) пас аз он ки сатҳи оби дарёи Ямуна ба баландтарин сатҳи рекордӣ расид, тақрибан 24 ҳазор нафарро кӯчониданд. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзи ҷумъа агентии ANI хабар додааст.
Дар шимоли Ҳиндустон 8-10 июл борони шадид ба амал омад, ки дар якчанд музофот обхезӣ ва лағжиши заминро ба вуҷуд овард. 10 июл сатҳи об дар дарёи Ямуна ба 205,33 метр ва 12 июл ба 207,55 метр расида, аз рекорди соли 1978 (207,49 м) гузашт.
Кӯчонидани сокинони минтақаҳои зери обмонда 10 июл оғоз шуда, то рӯзи ҷумъа теъдоди онҳо ба 24 ҳазор нафар расид. Корҳои наҷотдиҳӣ ва барқарорсозӣ дар минтақаи офати табиӣ идома доранд.
Сатҳи оби дарёи Ямуна 13 июл ба 208,66 метр расид. Соати 09:00 ба вақти маҳаллии 14 июл он ҳудуди 208,4 метрро ташкил дод, Идораи захираҳои оби Ҳиндустон коҳиши тадриҷии ин нишондиҳандаро пешбинӣ кардааст.
Азиза ИКРОМ,
АМИТ «Ховар»
АКС аз манбаъҳои боз
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Имрӯз дар водиҳои Тоҷикистон ҳаво то 27 дараҷа гарм мешавад
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
