Дар Душанбе вобаста ба пешгирии зӯроварӣ дар оила ҳамоиш доир шуд
ДУШАНБЕ, 29.07.2023. /АМИТ «Ховар»/. Дар шаҳри Душанбе ҷаласаи якуми Гурӯҳи кории назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати такмил додани механизмҳои танзими мубориза ва пешгирии зӯроварӣ дар оила баргузор гардид, хабар доданд ба АМИТ «Ховар» дар маркази матбуоти вазорати мазкур.
Дар ҷаласа иброз шуд, ки тибқи Қонуни Ҷумҳурии Тоҷикистон «Дар бораи пешгирии зӯроварӣ дар оила», Қарори Ҳукумати Ҷумҳурии Тоҷикистон аз 3 майи соли 2014 «Дар бораи Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» ва Нақшаи чорабиниҳо оид ба амалисозии Барномаи миёнамуҳлати рушди Ҷумҳурии Тоҷикистон барои солҳои 2021-2025 ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар баробари дигар вазорату идораҳо вазифаву уҳдадориҳои муайяне муқаррар гардидаанд. Вазорат ҷиҳати иҷрои якчанд ваколат, аз ҷумла таҳия ва татбиқи тадбирҳои барномавӣ оид ба пешгирии зӯроварӣ дар оила, амалигардонии тавсияҳои методӣ оид ба расонидани кумаки аввалини тиббию равонӣ, инчунин расонидани кумак ва хизматҳои гуногуни иҷтимоӣ масъул мебошад.
Барои ҳалли масъалаҳое, ки ба Вазорати тандурустӣ ва ҳифзи иҷтимоии аҳолӣ вогузор гардидаанд, корҳои зиёде ба анҷом расида, дар ин радиф ҳуҷҷатҳои дохилиидоравии соҳавӣ низ таҳия ва ба тавсиб расонида шуданд.
Яке аз масъалаҳое, ки ҳанӯз ҳам хеле муҳим ва ҳалталаб боқӣ мондааст, ин такмил додани механизмҳои танзими мубориза ва пешгирии зӯроварӣ дар оила, ислоҳи рафтори шахсоне, ки содиркунандаи зӯроварӣ дар оила мебошанд ва дар ин самт тақвият бахшидани фаъолияти он ташкилоту муассисаҳое, ки дар сохтори вазорат дар ин самт фаъолият мекунанд, ба ҳисоб меравад. Аз ин лиҳоз, дар доираи муқаррароти пешбининамудаи санадҳои мазкур зарурати дар назди вазорат таъсис додани гурӯҳи кории байниидоравӣ ба миён омадааст.
АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
