Дар хоҷагиҳои кишоварзии Кӯлоб ҷамъоварии ҳосили барвақтӣ муташаккилона идома дорад
КӮЛОБ, 22.07.2023 /АМИТ «Ховар»/. Имрӯзҳо дар хоҷагиҳои кишоварзии шаҳру деҳоти Кӯлоб ҷамъоварии маҳсулоти барвақтӣ муташаккилона идома дорад. Як гурӯҳ хоҷагидорон аллакай баъди бардоштани ҳосили аввалин дар заминҳои корами обӣ кишти такрорӣ гузарониданд, хабар медиҳад мухбири минтақавии АМИТ «Ховар» Сулаймони Хол.
Дар Кооперативи тухмипарварии «Сабз-Н», воқеъ дар Ҷамоати деҳоти Зарбдор бо истифода аз техника дарави ғалла ба анҷом расид. Имсол хоҷагидорон дар майдони 70 гектар бо истифода аз тухмиҳои хушсифати мутобиқ ба иқлими маҳал ғалла кишт карданд, ки аз ҳар гектари он то 50-сентнерӣ ҳосил ба даст оварданд.
Роҳбари хоҷагии тухмипарварии «Сабз-Н» Нуралӣ Шарипов иброз намуд, ки «мо ҷамъоварии ғалларо шуруъ намуда, аз ҳар гектар ба ҳисоби миёна 45-50-сентнерӣ ҳосил гирифта истодаем. Ба хоҷагии мо ҳозир тухмии гандуми Краснодар бисёр мувофиқ аст ва аз гандумҳои маҳаллӣ ду намуд коридем».
Дар хоҷагии мазкур ғайр аз тухмипарварию боғдорӣ инчунин чигит кишт карда мешавад. Соли равон тибқи тавсияи мутахассисони соҳа майдони кишти пахта васеъ гардид. Бо дарназардошти таъмини оби полезӣ ва васеъ намудани майдони кишти такрорӣ дар ҳудуди Ҷамоати деҳоти Зарбдор бо истифода аз техникаҳои Идораи давлатии беҳдошти замин ва обёрии Кӯлоб каналу заҳбурҳо тоза мешаванд ва аз ҳисоби таъмини оби полезӣ хоҷагидорон дар заминҳои холишуда кишти такрории ҷуворимаккаи дон, лӯбиёиҳо, полезӣ ва дигар намуди сабзавот кишт мекунанд.
«Каналҳо аз соли 1993 инҷониб тоза нашуда буданд, аз ин рӯ солҳои охир оби зери заминҳои хоҷагӣ баланд ва ҳосилнокӣ паст шуда буд. Баъди истифода кардани заҳбур мо метавонем ҳосилнокии хоҷагиро баланд кунем ва дар навбати аввал кишти такрорӣ гузаронем»,-иброз дошт Нуралӣ Шарипов.
Кишоварзони Кооперативи тухмипарварии «Сабз-Н» ва дигар хоҷагиҳои ҳудуди Ҷамоати деҳоти Зарбдор мақсад доранд, ки дар таъмини бозори истеъмолӣ, қонеъ гардонидани талаботи сокинон бо маҳсулоти хушсифат, захираи маводи ғизоӣ ва таъмини барномаи амнияти озуқавории мамлакат саҳм гузошта, заминро самаранок истифода баранд ва давоми сол то се ҳосил ба даст оранд.
АКС аз манбаъҳои боз
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
