Дар Истаравшан ва Конибодом ҳайати Корвони «Модарони ваҳдатсаро» бо сокинон мулоқот намуд
ДУШАНБЕ, 12.07.2023. /АМИТ «Ховар»/. Тавре қаблан иттилоъ додем, 10 июл корвони «Модарони ваҳдатсаро» ба шаҳру ноҳияҳои вилояти Суғд сафар намуданд. 11 июл як гурўҳи занону духтарони ҳайати корвони «Модарони ваҳдатсаро» ба шаҳри Истаравшан омада, бо сокинон мулоқот намуданд. Корвони «Модарони ваҳдатсаро» дар шаҳру ноҳияҳои вилоят то 15 июл идома хоҳад ёфт. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.
Зимни суҳбат бо фаъолон ва сокинони шаҳри Истаравшан роҳбарияти Кумитаи кор бо занон ва оилаи назди Ҳукумати Ҷумҳурии Тоҷикистон андешаҳои худро перомуни таваҷҷуҳу ғамхориҳои Президенти мамлакат муҳтарам Эмомалӣ Раҳмон ба занону духтарони тоҷик баён намуда, таъкид карданд, ки мо бояд ба қадри зиндагии орому осудаи Ватан бирасем ва ҳар яки мо бо меҳнати содиқонаю софдилона саҳми худро дар пешрафти сарзамини аҷдодӣ гузорем.
Гуфта шуд, ки дар таъмини сулҳу субот ва амнияти ҷомеа мо, занон –модарон нақши шоиста гузошта метавонем, зеро тарбияи насли наврасро ба уҳда дорем. Мо бояд аз хурсолӣ дар замири фарзандон ростиву накукорӣ, дўст доштани Ватан ва хизмати содиқона кардан ба онро талқин созем.
Сипас ҳайати корвони «Модарони ваҳдатсаро» аз Муассисаи давлатии таърихии «Қалъаи муғ»-и шаҳри Истаравшан дидан намуданд.
Инчунин ба иттилои Кумитаи кор бо занон ва оилаи назди Ҳукумати Ҷумҳурии Тоҷикистон, гурўҳи дигари ҳайати корвони мазкур ба шаҳри Конибодом сафар намуда, оид ба пойдории сулҳу ваҳдат, дӯстиву рафоқати сокинони тамоми минтақаҳои мамлакат суҳбату вохӯриҳо доир карданд.
Бояд тазаккур дод, ки тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади таҳкими пойдории сулҳу ваҳдат, дӯстиву рафоқати сокинони тамоми минтақаҳои мамлакат чорабинии ҷумҳуриявӣ таҳти унвони Корвони «Модарони ваҳдатсаро» ба роҳ монда шуда, сафари занону бонувон ба минтақаҳои гуногуни ҷумҳурӣ ба ҳукми анъана даромадааст.
София ШОИК,
АМИТ «Ховар»
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
