Дар Роштқалъа хонаҳои нави истиқоматии сокинон мавриди истифода қарор гирифтанд
ДУШАНБЕ, 20.07.2023. /АМИТ «Ховар»/. Дар ноҳияи Роштқалъаи Вилояти Мухтори Кӯҳистони Бадахшон ба сокинони аз офати табиӣ зарардида калиди хонаҳои навсохт супорида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Роштқалъа хабар медиҳад.
Бояд гуфт, ки моҳи марти соли 2022 бар асари фуромадани тарма дар деҳаи Шоди ноҳияи Роштқалъа хонаҳои сокинони деҳа Зарриншо ва Ноёбшо Кабировҳо пурра хароб гардиданд.
Бо супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои кӯчондани оилаҳои зарардида ҷойи сохтмони хонаҳои нави истиқоматӣ муайян гардида, аз ҷониби Вазорати энергетика ва захираҳои оби ҷумҳурӣ ва Ширкати «Помир Энерҷӣ» дар ҳамдастӣ бо мақомоти иҷроияи ҳокимияти давлатии вилоят ва ноҳияи Роштқалъа моҳи марти соли 2022 сохтмони хонаҳо оғоз гардид. Моҳи июли соли 2023 бо анҷом ёфтани сохтмон сокинон соҳиби хона гардиданд.
Масоҳати умумии ҳар як хона 182 метри квадратиро ташкил дода, дар он баробари дигар утоқҳои маишӣ ҳамчунин хонаи миллии бадахшонӣ бунёд гардид.
Тавре яке аз сокинони деҳа, собиқадори меҳнат Давлатшо Ҷумъахонов иброз дошт, «хонаҳои истиқоматии бунёдшуда на танҳо дар деҳаи мазкур, балки дар тамоми ноҳия намунавӣ буда, барои зиндагӣ хеле мувофиқ ва дорои ҳамаи шароит мебошанд».
Бояд гуфт, ки ба кори сохтмони хонаҳо 18 нафар сокинони маҳаллӣ ҷалб ва бо маоши хуб таъмин гардиданд.
АКС: Мақомоти иҷроияи ҳокимияти давлатии ноҳияи Роштқалъа
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
