Дар шаҳри Душанбе намоиш-фурӯши маҳсулоти кишоварзӣ, ҳунарҳои мардумӣ ва таомҳои миллии ноҳияҳои Панҷу Спитамен доир шуд
ДУШАНБЕ, 11.07.2023. /АМИТ «Ховар»/. Дар боғҳои фарҳангиву фароғатии пойтахт баргузории намоиш-фурӯши молу маҳсулот, ҳунарҳои мардумӣ, таомҳои миллӣ ва дастовардҳои фарҳангии шаҳру ноҳияҳои ҷумҳурӣ идома доранд. Аз ҷумла чунин иқдом дар Боғи фарҳангиву фароғатии ба номи Абулқосим Фирдавсии шаҳри Душанбе доир шуда, дар он кишоварзону ҳунармандони ноҳияи Панҷ маҳсули дастранҷи худро пешкаши сокинону меҳмонони пойтахт гардониданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Душанбе хабар доданд.
Дар намоиш-фурўш молу маҳсулот бо нархҳои нисбат ба бозор арзон пешниҳод шуда, имкон фароҳам овард, ки сокинону меҳмонони пойтахт аз он баҳравар гарданд.
Чунин чорабинӣ дар Боғи фарҳангӣ-фароғатии ба номи Садриддин Айнии шаҳри Душанбе низ доир шуда, дар он аҳли заҳмати ноҳияи Спитамени вилояти Суғд маҳсули дасти худро пешниҳоди сокинони пойтахт гардониданд.
Дар намоиш-фурўши мазкур маҳсулоти кишоварзӣ, ҳунарҳои мардумӣ, таомҳои миллии ин минтақа пешкаш гардида, ҳамзамон санъаткорони ноҳияи Спитамен барномаҳои фарҳангиву фароғатии ҷолибро баҳри сокинону меҳмонони пойтахт пешниҳод намуданд.
Тавре иттилоъ дода шуд, кишоварзони ноҳияи Спитамен ҳамасола наздики 40 навъи маҳсулоти кишоварзиро парвариш менамоянд, ки барои ғанӣ гардонидани бозори истеъмолӣ мусоидат менамояд. Аз ҷумла, дар ноҳия 1600 хоҷагии деҳқонӣ фаъолият дошта, дар онҳо сол то сол майдони кишту парвариши зироатро зиёд мекунанд.
Дар баробари ин ҳунармандони ноҳия низ дар намоиш –фурўш фаъолона иштирок дошта, маҳсули дасти худро пешкаши ҳозирин гардониданд. Аз ҷумла, сокинони ноҳия, махсусан занони ҳунарманди он дар гӯшаҳои алоҳида намунаи ҳунарҳои дастӣ, рассомӣ, нону хӯрокҳои миллӣ ва ғайраро намоиш доданд.
Тазаккур дода шуд, ки баргузории намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву фароғатӣ аз ҷониби шаҳру ноҳияҳои ҷумҳурӣ дар пойтахти мамлакат шаҳри Душанбе, ки дар асоси нақшаи чорабиниҳои Дастгоҳи иҷроияи Президенти Ҷумҳурии Тоҷикистон баргузор мегардад, иқдоми хубу саривақтӣ баҳри фароғату истироҳати сокинону меҳмонони шаҳри Душанбе мебошад.
АКС аз манбаъҳои боз
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
