Дар вилояти Суғд ба маблағи зиёда аз 12 миллиард сомонӣ маҳсулоти саноатӣ истеҳсол шуд
ДУШАНБЕ, 16.07.2023 /АМИТ «Ховар»/. Дар шашмоҳаи аввали соли равон дар вилояти Суғд ба маблағи 12 миллиарду 106,2 млн сомонӣ маҳсулоти саноатӣ истеҳсол шуд, ки нисбат ба ҳамин давраи соли гузашта афзоиш бо назардошти индекси нархҳо 111,1 фоиз таъмин гардидааст, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Суғд.
Дар ин давра афзоиши истеҳсоли намудҳои асосии маҳсулот таъмин гардида, ба миқдори 150,4 ҳазор тонна орд, 2395,8 тонна равғани растанӣ, 16382,8 тонна нон ва маҳсулоти нонӣ, 6720,0 ҳазор қуттии шартӣ консерваҳои гуногун, 6454,3 ҳазор декалитр нӯшокиҳои бе спирт истеҳсол шудааст.
Ба истиқболи ҷашни 35-солагии Истиқлоли давлатии Ҷумҳурии Тоҷикистон соли 2023 ба истифода додани 150 корхонаву коргоҳи нави саноатӣ пешбинӣ гардида, дар натиҷаи тадбирҳои андешида давоми 6 моҳи соли 2023 дар миқёси вилоят 162 корхонаву коргоҳи нав бо 1146 ҷойи нави кор ба фаъолият шуруъ намуд.
Баҳри иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамбастагӣ бо сохторҳои дахлдор ва соҳибкорону ҷомеаҳои меҳнатӣ давоми шаш моҳи имсол 3 коргоҳи нави дӯзандагӣ бо 16 ҷойи нави кор таъсис дода шуд.
Дар корхонаҳои дӯзандагии вилоят дар ин давра ба маблағи 155,4 млн сомонӣ маҳсулот истеҳсол шудааст, ки нисбат ба ҳамин давраи соли қаблӣ ба маблағи 2,0 млн сомонӣ зиёд аст. Ҳамзамон дар ин давра 392 582 дона либоси мактабӣ дӯхта шудааст.
Дар вилоят фаъолияти 11 корхонаю коргоҳи пойафзолдӯзӣ ба роҳ монда, дар моҳҳои январ-июни соли равон истеҳсоли пойафзол ба 311,6 ҳазор ҷуфт расонида шуд, ки нисбат ба ҳамин давраи соли гузашта 22,4 фоиз зиёд мебошад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
