Дар як шабонарӯз дар Юнон беш аз 45 сӯхтори ҷангал ба амал омадааст

ДУШАНБЕ, 18.07.2023 /АМИТ «Ховар»/. Тайи шабонарӯзи охир дар Юнон бар асари гармӣ ва шамоли сахт 46 сӯхтори ҷангал рух додааст, хабар медиҳад «Казинформ» бо истинод ба «Анадолу».

Дар баёнияи Хадамоти сӯхторнишонии Юнон гуфта шудааст, ки бисёр минтақаҳои кишварро аз хатари баланди сӯхтори рӯзҳои наздик дар ҷангал огоҳ намуда буданд.

Дар баёния омадааст, ки шароити обу ҳаво дар минтақаи Аттика, ки пойтахти давлат-Афина низ ба он дохил мешавад, хатари сӯхтори ҷангалҳоро афзоиш додааст.

Авҷи гармо дар кишвар 20 июл дар назар аст.

Ёдовар мешавем, ки соли 2021 сӯхторҳои бесобиқа дар Юнон ҳазорон гектар ҷангалро ба хок яксон намуданд. Тибқи гузориши EFFIS, ки соли 2021 ҳангоми сӯхторҳои ҷангал нашр шудааст, сӯхторҳое, ки дар Юнон ба амал омаданд, 90% тамоми заминҳоро нобуд намудаанд.

АКС аз манбаъҳои боз