Деҳқонони ноҳияи Носири Хусрав бо тоза намудани заҳкашу заҳбурҳо ҳолати мелиоративии заминҳоро беҳтар менамоянд
БОХТАР, 25.07.2023. /АМИТ «Ховар»/. Дар ноҳияи Носири Хусрав 605 км шабакаҳои обгузар, 118 км шабакаҳои байни хоҷагӣ ва 477 км шабакаҳои обгузари дохили хоҷагӣ мавҷуд мебошанд. Ҳоло дар деҳаи 30-солагии Истиқлолияти Ҷамоати деҳоти «Фирӯза» кандан ва тозанамоии заҳкаше, ки қариб ба нестӣ рафта буд, оғоз шудааст. Баъди тоза кардани ин заҳкаш ҳолати мелиоративии зиёда аз 50 гектар замин беҳтар мешавад. Дар ин хусус муовини аввали Раиси ноҳияи Носири Хусрав Ҳокимхон Набизода ба хабарнигори минтақавии АМИТ «Ховар» Сулаймон Холзода иттилоъ дод.
Инчунин ҳолати мелиоративии заминҳои наздиҳавлигие, ки ҳамшафати ҳамин заҳкаш мебошанд, хуб гардида, аз онҳо зиёда аз се- чор ҳосил ба даст оварда мешавад. То имрӯз зиёда аз 1 км масоҳати заҳкаш тоза шудааст.
Мавриди тазаккур аст, ки заминҳои корами обии ноҳияи Носири Хусрав ҳосилхез буда, бинобар гармтар будани иқлими минтақа сабзиши тамоми зироату сабзавот барвақттар эҳсос мегардад. Кишоварзон баъди пурра бо оби полезӣ таъмин шудан руҳу илҳоми тоза гирифта, дар истифодаи мақсадноки замин масъулияти бештар зоҳир менамоянд.
Хоҷагидорони Ҷамоати деҳоти Истиқлол ҳар қитъа заминро пурмаҳсул истифода карда, аз он дар як мавсим то се ҳосил ба даст меоранд.
Кишоварзон дар оянда мақсад доранд, ки бо истифода аз шароити мусоид заминҳоеро, ки солиёни зиёд аз гардиши кишоварзӣ бозмондаанд, марҳила ба марҳила ба ҳолати аввала баргардонанд.
АКС: АМИТ «Ховар»
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
