Донишгоҳи давлатии тиҷорати Тоҷикистон бо якчанд донишгоҳи бонуфузи дунё ҳамкории дуҷониба дорад
ДУШАНБЕ, 31.07.2023. /АМИТ «Ховар»/. Донишгоҳи давлатии тиҷорати Тоҷикистон барои омӯхтани таҷрибаи пешқадам бо якчанд донишгоҳи бонуфузи дунё ҳамкории дуҷониба намуда, дар доираи ин ҳамкорӣ мутахассисони баландихтисосро ба донишгоҳ ҷалб менамояд.
«Аз ҷумла, бо якчанд муассисаҳои олии ИМА, Ҷумҳурии Мардумии Чин, ИДМ ва Иттиҳоди Аврупо ҳамкорӣ дорем, ки ин ҳамкорӣ ба ворид шудан ба фазои ягонаи таҳсилоти байналмилалӣ замина мегузорад», -гуфт ректори донишгоҳ.
Иттилоъ дода шуд, ки тибқи раддабандии Агентии назорат дар соҳаи илм ва маорифи назди Президенти Ҷумҳурии Тоҷикистон донишгоҳ дар байни муассисаҳои таҳсилоти олии касбӣ ба даҳгонаи беҳтарин муассисаҳои олии Тоҷикистон шомил гардид.
Тазаккур дода шуд, ки Донишгоҳи давлатии тиҷорати Тоҷикистон яке аз муассисаҳои таълимии соҳавӣ дар мамлакат маҳсуб шуда, аз рӯи равияҳои иқтисодӣ мутахассисони ба бозори меҳнат рақобатпазир омода менамояд. Донишгоҳ аз рӯи 36 ихтисоси барномаи бакалавр, 10 ихтисоси барномаи магистратура, 14 ихтисоси барномаи PhD ва 6 ихтисоси барномаи таҳсилоти дуюми олии касбӣ мутахассис омода ва ба бозори меҳнат пешниҳод менамояд.
Зарангези ЛАТИФ,
АМИТ «Ховар»
АКС: АМИТ «Ховар»
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
