Фаъолияти «Тоҷикаэронавигатсия» назаррасу муваффақиятҳо афзун шудаанд
ДУШАНБЕ, 07.07.2023 /АМИТ «Ховар»/. Кормандону мутахассисони Корхонаи воҳиди давлатии «Тоҷикаэронавигатсия» дар шаш моҳи соли равон барои 25 ҳазору 264 киштиҳои ҳавопаймоӣ хизмат расонидааст, ки нисбат ба ҳамин давраи соли гузашта 4 ҳазору 164 адад, ё 20 фоиз зиёд аст. Дар ин хусус ба АМИТ «Ховар» дар КВД «Тоҷикаэронавигатсия» хабар доданд.
Тавре АМИТ «Ховар» бо истинод ба «Тоҷикаэронавигатсия» иттилоъ медиҳад, дар соли равон 12 ҳазору 919 парвозҳои транзитӣ анҷом дода шудааст, ки 1 ҳазору 719 парвоз ё нисбат ба ҳамин давраи соли гузашта 15 фоиз зиёдтар мебошад.
Таъкид карда мешавад, ки сабаби асосии зиёд гардидани парвозҳо дар барқарор гардидани иҷрои парвозҳои ҳамаи ширкатҳои ҳавопаймоӣ ва ҷуғрофияи парвозҳо, истифодаи ҳарими ҳавоии Ҷумҳурии Тоҷикистон (транзит) мебошад.
Директори КВД «Тоҷикаэронавигатсия» Лоиқ Бегиҷонзода таъкид менамояд, ки бо мақсади таҳкими иқтидор ва имкониятҳои фазои ҳавоии мамлакат ва густариши ҳамкории байнидавлатӣ ду санади муҳим дар самти Раёсати хизматрасонии ҳаракати ҳавоӣ дар шаҳри Самарқанди Ҷумҳурии Узбекистон ба имзо расид. Инҳо Созишнома оид ба ҳамкории дуҷониба ва ҳамоҳангсозӣ байни Марказҳои ноҳиявии Душанбе ва Тошканд ва Созишнома оид ба ҳамкории дуҷониба ва ҳамоҳангсозӣ байни Марказҳои ноҳиявии Душанбе ва Самарқанд мебошанд.
Инчунин барои таъмини фаъолияти босамари корхона дар самти нишондодҳои дақиқ, ба истифода супоридани низоми Д-АТИС дар дастгоҳи марказии шаҳри Душанбе ва филиалҳои корхона дар шаҳрҳои Кӯлоб, Бохтар ва Хуҷанд амалӣ гардид.
Инчунин дар филиали корхона дар шаҳри Хуҷанд радиостансияи «Rohde&Schwarz» бо таҷҳизоти мавҷпахшнамо ба истифода супорида шуд.
Таъкид карда шуд, ки дараҷаи салоҳияти нишондодҳои пешгўии Маркази авиатсионии метеорологӣ тибқи низоми «TAF» бо ҷамъи филиалҳои корхона дар ин давра салоҳияти нишондодҳои пешгӯиро 92,1 фоиз хабар доданд, ки ин нишондиҳандаи хуб арзёбӣ мегардад.
Дар радифи вазифаҳои касбӣ дар КВД «Тоҷикаэронавигатсия» ҳамзамон барои сазовор таҷлил намудани ҷашни 35-солагии Истиқлоли давлатии Ҷумҳурии Тоҷикистон тадбирҳои мушаххас андешида мешавад.
АКС: КВД «Тоҷикаэронаивгатсия»
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
