Гули наргис восита бар зидди тағйирёбии иқлим мебошад
ДУШАНБЕ, 23.07.2023 /АМИТ «Ховар»/. Тадқиқоти охирин нишон доданд, ки агар гулҳои наргисро ба хӯроки чорво илова намоем, онҳо метанро камтар ба атмосфера мебароранд. Тавре АМИТ «Ховар» иттилоъ медиҳад, дар ин хусус АЗЕРТАҶ бо истинод ба euronews.com хабар додааст.
Дар кӯҳҳои Сиёҳи Уэлс майдонҳои ғайриодӣ мавҷуд мебошанд. Дар ин ҷо дар баландӣ гули наргис парвариш карда мешавад. Ин гулҳо моддае ҷудо менамоянд, ки дар доруҳо бар зидди бемории Алтсгеймер истифода бурда мешаванд.
Тадқиқоти охирин нишон доданд: наргисҳои дар кӯҳистон рӯида ҳангоми ба ғизои чорво илова намудан қобилияти беназири коҳиш додани партовҳои метанро доранд.
Вале дар қуллаҳои баланд парвариш намудани ин гулҳо кори осон нест.
«Вақте ки мо кӯшиш намудем дар ин ҷо гули наргисро парвариш намоем, ба хулосае омадем, ки ҳамаи усулҳои анъанавие, ки даҳсолаҳо боз дар саноати парвариши гули наргис истифода мешаванд, ба кор намеоянд. Дар ниҳоят, мо маҷбур шудем, ки аз ҳама қоидаҳо даст кашем ва равандро аз аввал то ба охир комилан аз нав дида бароем»,- тазаккур дод хоҷагидор ва соҳиби Agroceutical Кевин Стивенс.
«Маълум мегардад, ки наргисҳо аз моддаҳои пурқудрати биологӣ бой мебошанд»,- идома медиҳад Кевин Стивенс.
Говҳо ва дигар ҳайвоноти кишоварзӣ тақрибан 14% партовҳои антропогениро ба атмосфера хориҷ менамоянд.
Олимон умедвор ҳастанд, ки усораи гули наргис на танҳо партовҳоро коҳиш медиҳад, балки системаи ҳозимаи ҳайвонотро самараноктар менамояд.
Ҳукумати Британия ҳоло давраи озмоишии чорсоларо дастгирӣ мекунад, ки дар сурати муваффақ шудан метавонад тамдид ёбад.
«Ҳоло мо дар вазъияти аҷиб қарор дорем. Иқтидори парвариши гули наргис барои тағйир додани ҷаҳон дар сатҳҳои гуногун ҳамзамон ҳаяҷоновар ва хеле даҳшатнок аст»,- мегӯяд Кевин Стивенс. Ҳол он ки парвариши ин намуди растанӣ мушкилоти тағйирёбии иқлимро комилан ҳал намекунад, дар сурати муваффақ шудан ба озмоиш партовҳои газҳои гулхонаӣ коҳиш меёбанд ва ба суст шудани суръати гармшавии глобалӣ мусоидат мекунанд.
Азиза ИКРОМ,
АМИТ «Ховар»
АКС: АЗЕРТАҶ
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
