МАСЪУЛИЯТИ ПАДАРУ МОДАР. Дар Душанбе ба ҷиноят даст задани ноболиғон кам гардидааст
ДУШАНБЕ, 05.07.2023. /АМИТ «Ховар»/. Баргузории вохӯриву чорабиниҳои тарбиявию маърифатӣ ва корҳои фаҳмондадиҳӣ байни ноболиғон ба кам гардидани шумораи ҷинояткории ноболиғон дар пойтахт мусоидат намуда, ба ҳолати 1 июни соли 2023 дар байни ноболиғони шаҳри Душанбе нисбат ба соли гузашта 26 ҷиноят ва ё 44,8% кам шудааст. Дар ин хусус зимни баргузории ҷаласаи Сарраёсати маорифи шаҳри Душанбе иттилоъ дода шуд, хабар доданд ба АМИТ «Ховар» дар Сарраёсати мазкур.
Таъкид гардид, ки кам гардидани ҷинояткорӣ байни ноболиғон дар пайи амалӣ намудани талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ба амал омадааст.
«Дар шашмоҳаи якуми соли 2023 баҳри пешгирӣ намудани муноқишаҳо дар байни ноболиғону ҷавонон ва дигар омилҳои номатлуб дар муассисаҳои таълимии шаҳри Душанбе 386 вохӯрӣ бо иштироки 84 ҳазору 920 нафар падару модарон, омӯзгорон ва хонандагон баргузор карда шуд», -гуфта шуд дар ҷаласа.
Ҳамзамон иттилоъ дода шуд, ки дар асоси Қарори Раиси шаҳри Душанбе аз 6 августи соли 2020 «Дар бораи татбиқи барномаи электронии «eDonish» дар муассисаҳои таҳсилоти умумии шаҳри Душанбе бо истифода аз технологияҳои иттилоотию коммуникатсионӣ» айни замон дар 105 муассисаи таҳсилоти миёнаи умумии пойтахт татбиқ шуд, ки дар ин муассисаҳо 203 ҳазору 481 нафар хонанда таҳсил мекунанд.
То имрӯз дар барнома 8914 омӯзгор ба қайд гирифта шудааст. Ба 173 ҳазору 959 нафар волидайн саҳифа (аккаунт) кушода шуд. Аз сентябри соли таҳсили 2022 то 30 июни соли таҳсили 2023 дар барнома аз тарафи 105 муассисаи таҳсилоти миёнаи умумии пойтахт 437 миллиону 333 ҳазору 381 баҳо гузошта шудааст.
Ҳамзамон татбиқи барномаи «eDonish» дар марҳилаи сеюм дар 34 муассисаи таълимии пойтахт ба нақша гирифта шудааст.
АКС: Сарраёсати маорифи шаҳри Душанбе
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
