Масъулони «Амонатбонк» афзалияти гузариш ба низоми пардохтҳои ғайринақдиро ба кормандони мақомоти гумрук ва «Барқи Тоҷик» тавзеҳ доданд
ДУШАНБЕ, 22.07.2023 /АМИТ «Ховар»/. Дар Душанбе масъулини Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» бо кормандони Хадамоти гумруки назди Ҳукумати Ҷумҳурии Тоҷикистон ва ширкати «Барқи Тоҷик» вобаста ба Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» вохӯрӣ анҷом доданд.
Дар ин хусус АМИТ «Ховар» бо истинод ба Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» иттилоъ медиҳад. Дар вохӯрӣ таъкид шуд, ки тибқи ин Фармон аз 1 августи соли равон пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, хизматрасонии коммуналӣ, намудҳои дигари хизматрасонии давлатӣ, инчунин қабули маблағҳо аз ҷониби вазорату идораҳо ва ташкилоти давлатӣ тариқи ғайринақдӣ амалӣ мешавад.
Аз ҷониби мутахассисони «Амонтабонк» вобаста ба афзалияти гузариш ба низоми пардохтҳои ғайринақдӣ, тарзу услуби анҷом додани амалиёт тариқи корт ва ҳамёнҳои электронӣ маълумоти зарурӣ пешниҳод карда шуд.
Махсусан тарзу услуби анҷом додани пардохтҳои гумрукӣ ва неруи барқ тавассути барномаи мобилии «Амонат-мобайл» тариқи рӯнамо намоиш дода шуд.
АКС: «Амонатбонк»
Дар Бонки миллӣ дар доираи омодагӣ ба даври сеюми баҳодиҳии мутақобилаи Гурӯҳи Авруосиё оид ба МҚД/МТ ҳамоиш баргузор шуд
ҚУРБИ АСЪОР: 1 доллари ИМА аз 9.3181 то 9.3300 сомонӣ муқаррар шудааст
Дар Душанбе конфронси соҳавии бонкҳои аъзои Иттиҳоди байнибонкии СҲШ баргузор шуд
Самтҳои афзалиятноки ҳамкории Бонки миллии Тоҷикистон бо Агентии рейтингии байналмилалии «Moody’s» муҳокима шуд
Муовини якуми Сарвазири Тоҷикистон бо Атташеи минтақавии Британияи Кабир оид ба таҳримҳо мулоқот намуд
Ду корманди «Амонатбонк» ғолиби озмуни «20 бонуи муваффақ дар соҳаи бонкдории Тоҷикистон» гардиданд
