НИШАСТИ МАТБУОТӢ. Донишгоҳи аграрии Тоҷикистон маротибаи аввал табодули донишҷӯёнро дар самти кишоварзӣ ба роҳ монд
ДУШАНБЕ, 28.07.2023. /АМИТ «Ховар»/. Донишгоҳи аграрии Тоҷикистон ба номи Шириншоҳ Шоҳтемур нахустин маротиба дар самти кишоварзӣ табодули донишҷӯёнро ба роҳ монд ва 5 нафар донишҷӯ барои таҳсил ба Федератсияи Русия фиристода шуданд. Дар ин хусус имрӯз ректори донишгоҳи номбурда Усмон Маҳмадёрзода зимни нишасти матбуотӣ ба рӯзноманигорон иттилоъ дод.
Ба гуфтаи мавсуф, «дар асоси созишномаи қабулгардида байни Донишгоҳи аграрии Тоҷикистон ва Донишгоҳи давлатии аграрии Иркутск донишҷӯёни мо ду сол дар давлатамон ва 2 сол дар донишгоҳи Иркутск ба таҳсил фаро гирифта мешаванд. Донишҷӯён соли оянда Донишгоҳро хатм намуда, ҳам дипломи Тоҷикистон ва ҳам Русияро мегиранд»,-изҳор дошт ӯ.
Ба иттилои ректори донишгоҳ, ҳамчунин 12 нафар донишҷӯёни тоҷик дар соли дуюми зинаи магистратураи Академияи давлатии аграрии Кубан таҳсил намуда истодаанд.
Иттилоъ дода шуд, ки донишгоҳ дар айни замон бо 112 донишгоҳу донишкадаи 14 давлати дунё ва 26 барномаи ташкилоти хориҷӣ дар самти таълим, илм, такмили касб ва коромӯзии омӯзгорон, таҷрибаомӯзии истеҳсолии донишҷӯён ва дигар самҳои таҳсилӣ ҳамкории зич ба роҳ мондааст.
Таъкид гардид, ки донишгоҳ ҷиҳати бо ҷойи кор таъмин намудани хатмкунандагони буҷавӣ бо идораҳои кишоварзии вилояту ноҳияҳо, хоҷагиҳои алоҳидаи фермерӣ, кооперативҳои истеҳсолӣ ҳамкорӣ менамояд. Ҳамзамон ҳамасола бо ташаббуси Вазорати кишоварзии мамлакат дар пойгоҳи донишгоҳ ярмарка-тақсимоти хатмкунандагон баргузор мешавад, ки ба ин восита донишҷӯён соҳиби ҷой кор мегарданд.
Шаҳлои САДРИДДИН,
АМИТ «Ховар»
АКС: АМИТ «Ховар»
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
