НИШАСТИ МАТБУОТӢ. Раванди таҳсили фарзандон аз ҷониби волидайн бояд ҷиддӣ назорат шавад!
ДУШАНБЕ, 28.07.2023. /АМИТ «Ховар»/. Имрӯз зимни нишасти матбуотӣ Ректори Донишгоҳи давлатии тиббии Тоҷикистон ба номи Абуалӣ ибни Сино Маҳмадшоҳ Гулзода волидайни донишҷӯёни донишгоҳро даъват намуд, ки ба дарсҳо ҳозир шудани фарзандони худро ба таври ҷиддӣ назорат намоянд.
«Дар донишгоҳ системаи автоматикунонидаи идораи таълим фаъол аст ва дар ҳуҷраи электронии донишҷӯй ба таври феълӣ баҳо ва иштирокаш дар дарсҳо ҳамарӯза сабт мешавад»,-гуфт ӯ.
Ректори донишгоҳ иброз дошт, ки падару модарон бояд ба ин система ворид шуда, фарзандони худро назорат намоянд. Зеро баъзе ҳолатҳое мешавад, ки бо сабаби давомоти нокифоя донишҷӯён хориҷ мешаванд. Волидон пас аз ду моҳ хабардор шуда, ба донишгоҳ муроҷиат менамоянд.
«Хуб мешуд, ки волидон раванди таҳсили фарзандонашонро ҷиддӣ назорат намоянд, зеро таҳсил дар риштаи тиб масъулияти калон талаб менамояд. Шахсоне, ки дар ин соҳа таҳсил менамоянд, бояд донишу тарбияи баланд дошта бошанд»,-иброз дошт Маҳмадшоҳ Гулзода.
Иттилоъ дода шуд, ки теъдоди умумии таҳсилкунандагони донишгоҳ 13 ҳазору 543 нафарро ташкил намуда, танҳо дар соли таҳсили 2022-2023 донишгоҳро 2075 нафар хатм намуданд, ки 1639 нафар донишҷӯёни ватанӣ ва 436 нафар донишҷӯёни хориҷӣ аз 11 давлати дунё мебошанд.
Зарангези ЛАТИФ,
АМИТ «Ховар»
АКС: АМИТ «Ховар»
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
