Президенти Амрико дар иёлати Вермонт бинобар обхезии фоҷиабор вазъияти фавқулода эълон намуд
ДУШАНБЕ, 13.07.2023 /АМИТ «Ховар»/. Президенти Иёлоти Муттаҳидаи Амрико Ҷозеф Байден рӯзи сешанбе дар иёлати Вермонт бинобар обхезии фоҷиабор вазъияти фавқулода эълон намуд. Дар ин хусус АМИТ «Ховар» бо истинод ба «Синхуа» иттилоъ медиҳад.
Ҷозеф Байден дастур додааст, ки илова ба талошҳои вокуниш дар иёлати шимолу шарқӣ ва дар маҳалҳо кумаки федералӣ ҷудо карда шавад. Дар минтақаҳои аз обхезӣ зарардида аз рӯзи якшанбе то ҳол вазъияти фавқулода боқӣ мондааст.
«Маркази маъмурии Вермонт ва аксари дигар ҷамоаҳои иёлат зери об монданд. Харобаҳо ва обхезиҳоеро, ки мо дар ин ҷо аз сар мегузаронем, таърихӣ ва фалокатбор мебошанд», — баён намуд губернатори Вермонт Фил Скотт субҳи сешанбе дар «Твиттер».
Борони шадид дар иёлати Вермонт боиси баста шудани роҳҳо ва гузаронидани корҳои наҷотдиҳӣ гардид. Мувофиқи маълумоти хадамоти миллии обуҳавошиносии ИМА, дар баъзе минтақаҳо дар давоми рӯзҳои охир шадидтарин боришот ба амал омадааст.
Азиза ИКРОМ,
АМИТ «Ховар»
АКС: «Синхуа»
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
