Роҳбари Созмони Милали Муттаҳид даъват менамояд, ки барои бартараф намудани буҳрони «харобиовар»-и қарзӣ иқдом кунанд
ДУШАНБЕ, 16.07.2023 /АМИТ «Ховар»/. Буҳрони қарзӣ зарурати амалиёти фаврии ислоҳоти низоми молиявии ҷаҳонро таъкид мекунад. Дар ин хусус Дабири кулли Созмони Милали Муттаҳид Антониу Гутерриш зимни муаррифии гузориши нави Гурӯҳи СММ оид ба вокуниш ба буҳрони ҷаҳонӣ бо номи «Ҷаҳони қарз» изҳор дошт.
«Нисфи сайёраи мо дар самти рушд ба ҳодисае рӯ ба рӯ шуда истодааст, ки бар асари буҳрони шадиди қарз ба вуҷуд омадааст», — баён намуд ӯ бо истинод ба мазмуни аслии гузориш.
Тақрибан 3,3 миллиард нафар- қариб нисфи инсоният дар кишварҳое зиндагӣ мекунанд, ки барои пардохти фоизи қарз нисбат ба таҳсил ё тандурустӣ бештар харҷ мекунанд.
Антонио Гутерриш ишора намуд, ки соли 2022 қарзи давлатии ҷаҳонӣ ба 92 триллион доллари Иёлоти Муттаҳидаи Амрико расид, ки қисми зиёди он ба кишварҳои рӯ ба инкишоф рост меояд.
Ислоҳоти амиқи системаи молиявии ҷаҳонӣ дар як шабонарӯз ба амал нахоҳанд омад, аммо иқдоми зиёде мавҷуд аст, ки худи ҳозир бояд амалӣ намуд.
«Амал кардан осон нахоҳад буд. Аммо ин муҳим ва фаврӣ мебошад», -иброз дошт Антонио Гутерриш.
Азиза ИКРОМ,
АМИТ «Ховар»
АКС аз манбаъҳои боз
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
