Сӯхторҳои ҷангал дар Юнон тадриҷан хомӯш мешаванд
ДУШАНБЕ, 31.07.2023 /АМИТ «Ховар»/. Сӯхторнишонони Юнон мубориза бо манбаъҳои нави сӯхторро идома медиҳанд, аммо дар маҷмуъ сӯхторҳои ҷангал, ки ду ҳафта боз дар ин кишвар идома доранд, тадриҷан коҳиш меёбанд, хабар медиҳад «Казинформ» бо истинод ба «Синхуа».
Иттилоъ дода шудааст, ки вазъият дар минтақаи Волос низ, ки дар он ҷо рӯзи панҷшанбе бар асари сӯхтор дар анбори аслиҳаи неруҳои ҳавоии Неа Анхиалос якчанд таркишҳо ба вуҷуд омаданд, беҳтар гардидааст.
Тибқи иттилои мақомот, кормандони пойгоҳи низомӣ ва тақрибан ду ҳазор нафар бо мақсади эминӣ ба ҷойҳои бехавф кӯчонида шуданд.
Давоми 10 рӯзи охир дар Юнон 667 сӯхтори ҷангал ба қайд гирифта шуд,- хабар дод дар брифинг вазири буҳрони иқлимӣ ва ҳифзи шаҳрвандӣ Василис Кикилиас.
Дар ин ҳафта дар натиҷаи сӯхтор дар ҷангал панҷ нафар, аз ҷумла сарнишинҳои ҳавопаймое, ки ҳангоми мубориза бо сӯхтор суқут кард, ҳалок шуданд.
Азиза ИКРОМ,
АМИТ «Ховар»
АКС: АБИ «Казинформ»
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
