Се вилояти Туркияро сӯхтори ҷангал фаро гирифтааст
ДУШАНБЕ, 25.07.2023 /АМИТ «Ховар»/. Мақомоти Туркия шаби сешанбе гуфтанд, ки барои хомӯш кардани сӯхтори ҷангал дар се ноҳияи вилояти Анталия ва ду вилояти дигари ин давлат талош доранд. Дар ин хусус АМИТ «Ховар» бо истинод ба РИА «Новости» хабар медиҳад.
«Мо муборизаро бо сӯхтори ҷангал дар навоҳии Каш, Кемер ва Ташайли музофоти Анталия, инчунин дар деҳаи Саруханли вилояти Маниса ва Дулкадироғлуи вилояти Қаҳрамонмараш идома медиҳем»,- хабар додааст дар ин хусус дар Твиттер Департаменти генералии хоҷагии ҷангали Туркия.
Президенти Туркия Реҷеп Тайип Эрдоган рӯзи душанбе аз шаҳрвандон даъват кард, ки нисбат ба ҷангалҳо бештар бодиққат бошанд ва ба пайдо шудани хурдтарин манбаи оташ дар наздикии ҷангал роҳ надиҳанд.
Ба гуфтаи ӯ, ба хомӯш кардани сӯхтор дар ҷангал 24 ҳавопаймо, 100 чархбол ва даҳ ҳавопаймои бесарнишин, инчунин 25 ҳазор сӯхторнишонҳо ҷалб шудаанд. Ҳамчунин ду ҳавопаймои амфибия*-и Русия барои кумак ба Туркия омадаанд.
АКС аз манбаъҳои боз
_______________________________
Амфибия*-ҳавопаймое, ки ҳам дар об ва ҳам дар хушкӣ гашта метавонад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
