Ширкати ҳавопаймоии «Сомон Эйр» интиқоли мусофиронро тавассути хатсайрҳои мунтазами байналмилалӣ афзоиш додааст
ДУШАНБЕ, 28.07.2023 /АМИТ «Ховар»/. Ширкати ҳавопаймоии «Сомон Эйр» соли равон тавассути хатсайрҳои мунтазами байналмилалӣ ва маҳаллӣ 360 ҳазор нафар мусофир интиқол додааст, ки дар муқоиса нисбат ба ҳамин давраи соли гузашта 180 ҳазор нафар зиёд мебошад. Интиқоли мусофирон аз ҷониби ширкати ҳавопаймоии «Сомон Эйр» дар ҳаҷми умумӣ аз Фурудгоҳи байналмилалии Душанбе 78,7 фоиз, Фурудгоҳи байналмилалии Хуҷанд 21 фоиз ва аз Фурудгоҳи байналмилалии Кӯлоб 0,3 фоизро ташкил медиҳад. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон хабар медиҳад.
Иттилоъ дода шуд, ки соли равон ширкати ҳавопаймоии «Сомон Эйр» парвозҳои мунтазам ва транзитиро аз Тоҷикистон ба Русия, Туркия, Аморати Муттаҳидаи Араб, Узбекистон, Қазоқистон, Ҳиндустон, Олмон, Арабистони Саудӣ ва дар хатсайри маҳаллии Душанбе-Хуҷанд-Душанбе иҷро намуд.
Ҳамзамон ширкат дар ин давра 512 тонна бор интиқол додааст, ки дар муқоиса нисбат ба шашмоҳаи аввали соли гузашта 127 тонна зиёд мебошад.
Ширкати ҳавопаймоии «Сомон Эйр» дар ин давра беш аз 833 миллион сомонӣ даромад ба даст овардааст, ки нисбат ба ин давраи соли гузашта 103 миллион сомонӣ зиёд арзёбӣ мегардад. Хароҷоти ширкат зиёда аз 818 миллион сомониро ташкил дод, ки нисбат ба шашмоҳаи аввали соли гузашта 102,4 миллион сомонӣ ё 14,3 фоиз зиёд аст. Тибқи маълумоти пешакӣ, дар ин давра ширкат ба буҷети давлат беш аз 15,5 миллион сомонӣ пардохт намудааст.
Гуфта шуд, ки ҳоло парки техникии ширкати ҳавопаймоии «Сомон Эйр» аз ду ҳавопаймои тамғаи Боинг 737-900, ду ҳавопаймои тамғаи Боинг 737-800, як чархболи Airbus H-125 ва 1 чархболи МИ-8 АМТ иборат мебошад.
Марзия САИДЗОДА,
АМИТ «Ховар»
АКС: АМИТ «Ховар»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
