ТАҚВИМИ АМИТ «ХОВАР»: имрӯз 24 июл, душанбе, 205-умин рӯзи соли 2023 аст

24 июл соли 2022 Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд.

***

Дар ин рўзи соли 2019 Президенти Ҷумҳурии Тоҷикистон муҳтарам Эмомалӣ Раҳмон ба Сарвазири Шоҳигарии Муттаҳидаи Британияи Кабир ва Ирландияи Шимолӣ Борис Ҷонсон барқияи табрикӣ ирсол намуданд.

***

13 сол пеш, 24 июли соли 2010 дар шаҳри Душанбе байни Ҳукумати Ҷумҳурии Тоҷикистон ва Бонки Рушди Авруосиё  Созишнома дар бораи ҷудо намудани қарзи молиявӣ аз ҳисоби фонди зиддибуҳронии Иттиҳоди Авруосиё бо маблағи 70 миллион доллари америкоӣ ба имзо расид.

24 ИЮЛ:

Дар Вануата – Рӯзи кӯдакон.

***

Дар Русия- Рӯзи муҳандиси кадастрӣ.

РӮЙДОДҲО:

***

24 июли соли 2019 дар Москва ҷаласаи Комиссияи иқтисодии назди Шӯрои иқтисодии Иттиҳоди Давлвтҳои Мустақил баргузор гардид.

***

 24 июли соли 2013 дар пойтахти Тоҷикистон – шаҳри Душанбе дар мавзӯи «Об, беҳдошт ва тозагӣ» конфронс баргузор гардид.

***

Дар ин рӯзи соли 2014 дар пойтахти мамлакат- шаҳри Душанбе масоили гуногуни ҳамкории иқтисодӣ ва рушди гардиши мол байни Тоҷикистон ва Туркманистон баррасӣ гардид.

ДАР ИН РӮЗ ТАВАЛЛУД ШУДААНД:

Ҷамолиддин Каримзода – соли 1944,  шоири тоҷик