ТАҚВИМИ АМИТ«ХОВАР»: имрӯз 29 июл, шанбе, 210-умин рӯзи соли 2023 аст

29 июли соли 2021 баъди ифтитоҳи якчанд иншооти таъйиноти гуногун дар ноҳияи Шаҳристон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолон ва омӯзгорони ноҳия мулоқоти самимӣ доир намуданд.

***

Дар ин рўзи соли 2021 Пешвои миллат Эмомалӣ Раҳмон дар ноҳияи Спитамен Қасри «Сомониён»-ро ифтитоҳ ва ба 100 ятими кулл туҳфаҳо тақдим намуданд.

***

29 июли соли 2011 бо Қарори Ҳукумати Ҷумҳурии Тоҷикистон Шӯрои амнияти озуқавории назди Ҳукумати Ҷумҳурии Тоҷикистон таъсис дода шуд.

***

Дар ин рӯзи соли 2014 Президенти мамлакат Эмомалӣ Раҳмон ва Роҳбари  Кумитаи иҷроияи Сохтори минтақавии зиддитеррористии Созмони ҳамкории Шанхай Чжан Синфэн масоили ҳамкорӣ дар самти ҳамҳангсозии мубориза бо терроризму ифротгароӣ ва дигар хатарҳои ҷаҳони муосирро баррасӣ намуданд.

29 ИЮЛ:

Рӯзи байналмилалии паланг.

***

Дар Молдова – Рӯзи Конститутсия.

***

Дар Руминия – Рӯзи суруди миллӣ.

РӮЙДОДҲО:

29 июли соли 2009 дар шаҳри Душанбе Эъломияи муштараки Ҷумҳурии Тоҷикистон ва Ҷумҳурии Исломии Покистон оид ба таҳкими минбаъдаи муносибатҳои дуҷониба имзо гардид.

***

29 июли соли 2009 дар шаҳри Душанбе Меморандум оид ба ҳамкорӣ байни Палатаи савдо ва саноати Ҷумҳурии Тоҷикистон ва Федератсияи Палатаи савдо ва саноати Покистон ба имзо расид.

***

29 июли соли 2014 Консепсияи миллии Ҷумҳурии Тоҷикистон оид ба солимгардонии маҳфузгоҳҳои партовҳои коркарди маъдани уран барои солҳои 2014-2024 тасдиқ шуд.

***

Соли 1994 дар Австралия ҳарорати аз ҳама пасттарини ҳаво ба қайд гирифта шуд, ки он -23,0°С-ро ташкил дод.