ТАҚВИМИ АМИТ «ХОВАР»: имрӯз 30 июл, якшанбе, 211-умин рӯзи соли 2023 аст

30 июли соли 2021 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳаллаи «Бофанда»-и шаҳри Хуҷанд кӯдакистони «Меҳросо»-ро мавриди баҳрабардорӣ қарор доданд. Ин муассисаи томактабӣ, ки барои 200 нафар кӯдаки ятиму бепарастор пешбинӣ шудааст, дар асоси дастуру супориш ва ҳидоятҳои Сарвари давлат муҳтарам Эмомалӣ Раҳмон ба ифтихори 30-юмин солгарди Истиқлолияти давлатӣ бунёд гардидааст.

***

30 июли соли 2011 дар шаҳри Душанбе  Президенти Ҷумҳурии Тоҷикистон муҳтарам Эмомалӣ Раҳмон ба ифтихори 20-солагии Истиқлолияти давлатии Ҷумҳурии Тоҷикистон 280 нафар кормандони сохторҳои қудратӣ ва мақомоти ҳифзи ҳуқуқу тартиботро бо мукофотҳои давлатӣ ва рутбаҳои олии ҳарбию махсус сарфароз гардониданд.

***

30 июли соли 2021 Сарвари давлат  муҳтарам Эмомалӣ Раҳмон дар доираи сафари корӣ дар шаҳру ноҳияҳои вилояти Суғд дар шаҳри Бӯстон корхонаи парандапарварии Ҷамъияти дорои масъулияти маҳдуди «Суғд-саноат-паранда»-ро мавриди баҳрабардорӣ қарор доданд.

30 ИЮЛ:

Рӯзи байналмилалии дӯстӣ.

***

Рӯзи умумиҷаҳонии мубориза бо хариду фурӯши одамон.

***

Дар Вануату – Рӯзи истиқлол.

РӮЙДОДҲО:

30 июли соли 2013 бо Қарори Ҳукумати Ҷумҳурии Тоҷикистон Муассисаи давлатии «Хона-интернати беморони рӯҳӣ барои калонсолон дар ноҳияи Бохтари вилояти Хатлон» таъсис дода шуд.

***

Дар ин рӯзи соли 2014 дар шаҳри Душанбе масоили ҳамкории гуногунпаҳлуи Тоҷикистон ва Русия баррасӣ шуд.

***

 30 июли соли 2012 «Барномаи ислоҳоти кишоварзии Ҷумҳурии Тоҷикистон барои солҳои 2012-2020» тасдиқ шуд.

***

30 июли соли 2013 масоили ҳамкории гуногунпаҳлуи Тоҷикистон ва Амрико, пеш аз ҳама, дар соҳаҳои мудофиа ва амнияти минтақавӣ баррасӣ гардид.

***

30 июли соли 2015 дар маҳаллаи Носири Хусрави шаҳри Хоруғ Маҷмааи бошукуҳи варзишӣ мавриди истифода қарор гирифт.

***

Соли 2007 дар Тоҷикистон Рӯзҳои фарҳанги Беларус баргузор гардиданд.

ДАР ИН РӮЗ ТАВАЛЛУД ШУДААНД:

Ҳабибулло Саидмуродов – соли 1933- олим, доктори илмҳои иқтисодӣ, профессор, академики Академияи миллии илмҳои Тоҷикистон. Арбоби шоистаи илми Тоҷикистон.