65 нафар донишҷӯ Академияи идоракунии давлатиро бо дипломи аъло хатм намуданд
ДУШАНБЕ, 22.08.2023 /АМИТ «Ховар»/. Имрӯз 65 нафар хатмкунандаи Академияи идоракунии давлатии назди Президенти Ҷумҳурии Тоҷикистон соҳиби дипломи аъло гардиданд, хабар доданд ба АМИТ «Ховар» дар ин Академия.
Дар маросими супоридани дипломҳои аъло ба хатмкунандагони зинаи бакалавриат ва магистратура дар соли таҳсили 2022-2023 Ректори Академияи идоракунии давлатӣ Абдухалил Ғафурзода иброз дошт, ки ҳамоиши имрӯза дар арафаи ҷашни Истиқлолияти давлатӣ, ки дастоварди бузургтарини таърихи давлатдории тоҷикон ба шумор меравад, доир мегардад.
Маҳз дар солҳои соҳибистиқлолӣ дар ҷумҳурӣ 32 муассисаи таҳсилоти олӣ, 41 муассисаи таҳсилоти ибтидоиву миёнаи касбӣ ва 3246 мактаб, аз ҷумла 156 муассисаи таълимии типи нав, яъне гимназия, литсей, мактабҳои байналмилалӣ ва 300 муассисаи томактабӣ сохта, ба истифода дода шуд. Аз ҷумла Академияи идоракунии давлатии назди Президенти Ҷумҳурии Тоҷикистон зодаи даврони истиқлолият буда, тамоми дастовардҳои мо аз ин неъмати гаронбаҳо маншаъ мегиранд.
Хатмкунандагони Академия бояд бо донишҳои андӯхта аз ҳама қишрҳои ҷомеа бештар фаъол бошанд ва ҳамчун пайравони асили Пешвои миллат муҳтарам Эмомалӣ Раҳмон ба халқу Ватан содиқона хизмат намоянд.
Дар вазъияти тантанавӣ ба 25 нафар магистрант ва 40 нафар хатмкунандаи зинаи бакалавриат дипломҳои аъло супорида шуданд.
Ёдовар мешавем, ки соли равон Академияро 505 нафар дар зинаҳои бакалавриат ва магистратура хатм намуданд, ки аз ин шумора 65 нафар соҳиби дипломи аъло гардиданд.
АКС: Академияи идоракунии давлатии назди Президенти Ҷумҳурии Тоҷикистон
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
