Ҳамкории Бонки миллии Тоҷикистон ва Бонки Аврупоии Таҷдид ва Рушд дар самти ислоҳоти низоми бонкӣ тақвият меёбад

Август 24, 2023 14:17

ДУШАНБЕ, 24.08.2023 /АМИТ «Ховар»/. Тақвият ва дурнамои рушди ҳамкории дуҷониба байни Бонки миллии Тоҷикистон ва Бонки Аврупоии Таҷдид ва Рушд /БАТР/ дар мулоқоти муовини якуми раиси Бонки миллии Тоҷикистон Фирдавс Толибзода бо аъзои ҳайати БАТР дар Душанбе баррасӣ гардид.

Дар Бонки миллии Тоҷикистон ба АМИТ «Ховар» иттилоъ доданд, ки муовини якуми Раиси Бонки миллии Тоҷикистон Фирдавс Толибзода саҳми Бонки Аврупоии Таҷдид ва Рушдро дар ислоҳоти низоми бонкӣ, баланд бардоштани сатҳи идоракунии корпоративӣ, низоми пардохт, рушди бахши низоми суғурта, инчунин баланд бардоштани ихтисоси кормандони низоми бонкии мамлакат назаррас арзёбӣ намуд.

Дар идомаи мулоқоти судманд роҳбари намояндагии БАТР дар Ҷумҳурии Тоҷикистон Холгер Вифел изҳор дошт, ки ташкилоти онҳо аз ҳамкорӣ бо Бонки миллии Тоҷикистон ва низоми бонкии мамлакат қаноатманд аст, зеро тайи солҳои охир дар ин самт комёбиҳои назаррас ба даст омадаанд. Аз ин рӯ БАТР хоҳони идома ва тавсеаи ҳамкорӣ бо Бонки миллии Тоҷикистон мебошад.

Ҳамзамон мусоҳибон оид ба идомаи ҳамкорӣ дар самти рушди маблағгузории “сабз”, тағйирёбии иқлим, дастгирии имконияти рушди устувори бозори суғурта дар Ҷумҳурии Тоҷикистон, фароҳам овардани заминаи мусоиди меъёрии ҳуқуқӣ ва идомаи ислоҳот дар ин бахш табодули назар намуданд. Инчунин доир ба нақши БАТР дар расонидани кумаки техникӣ ҷиҳати таҳияи «Стратегияи рушди бозори суғуртаи Ҷумҳурии Тоҷикистон»  мубодилаи афкор намуда, иброз доштанд, ки ҳамкории дуҷониба минбаъд низ тақвият меёбад.

Ҳамчунин дар ҷараёни вохӯрӣ таъкид гардид, ки ислоҳот дар бахши низоми пардохт ба рушди пардохтҳои ғайринақдӣ ва хизматрасонии молиявии рақамӣ, ки аҳамияти он бо Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» ҷиҳати рушди низоми пардохт дар Ҷумҳурии Тоҷикистон  бештар гардидааст ва ҳамкории БАТР дар татбиқи муваффақонаи ислоҳоти Ҳукумати Ҷумҳурии Тоҷикистон мусоидат менамояд.

АКС: Бонки миллии Тоҷикистон

 

 

Август 24, 2023 14:17

Хабарҳои дигари ин бахш

Бонки миллии Тоҷикистон ва Бонки ҷаҳонӣ ҳамкориро оид ба рақамикунонии иқтисодиёти Тоҷикистон тақвият медиҳанд
ҚУРБИ АСЪОР: дар Тоҷикистон 1 рубли русӣ аз 0. 1181 то 0.1200 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст
Тоҷикистон ва Кореяи Ҷанубӣ тасмим гирифтаанд суратҳисобҳои муросилотӣ кушоянд
ҚУРБИ АСЪОР: дар Тоҷикистон 1 доллари ИМА аз 10.9594 то 10.9800 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1186 то 0.1205 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1180 то 0.1205 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.7611 то 11.9200 сомонӣ муқаррар шудааст
«Бонки Эсхата» аввалин шуда дар Тоҷикистон ба барориши вомбаргҳои сабз шуруъ намуд
НИШАСТИ МАТБУОТӢ. Соли 2023 дар Тоҷикистон ба соҳибкории истеҳсолӣ 7,2 миллиард сомонӣ қарз дода шудааст
ҚУРБИ АСЪОР: дар Тоҷикистон 1 рубли русӣ аз 0. 1198 то 0.1215 сомонӣ муқаррар шудааст
НИШАСТИ МАТБУОТӢ. Сатҳи таваррум муътадил буда, соли 2023 3,8 фоизро ташкил дод