Ба ҳисоби миёна 735 млн нафар аҳолии ҷаҳон аз гуруснагиву камғизоӣ азият мекашанд
ДУШАНБЕ, 13.08.2023 /АМИТ «Ховар»/. Бо афзоиш ёфтани аҳолии рӯи Замин талабот ба маводи ғизоӣ низ зиёд мешавад. Барои таъмин намудани аҳолии афзоянда дар 50 соли охир истеҳсоли маҳсулоти хоҷагии қишлоқ қариб то 300 фоиз баланд шудааст. Тавре АМИТ «Ховар» иттилоъ медиҳад, дар ин хусус АЗЕРТАҶ бо истинод ба намояндагии минтақавии Созмони озуқа ва кишоварзии (СОК-ФАО) Созмони Милали Муттаҳид дар Аврупо ва Осиёи Марказӣ хабар додааст.
Ҳамзамон тибқи маълумоти охирине, ки Созмони озуқаворӣ ва кишоварзии Созмони Милали Муттаҳид (ФАО) дар гузориши худ оид ба «Вазъи амнияти озуқаворӣ ва ғизо дар ҷаҳон – 2023» нашр намудааст, ба ҳисоби миёна 735 миллион нафар аҳолии сайёра аз гуруснагӣ ва камғизоӣ азият мекашанд, вале миқдори зиёди ғизоҳои истеъмолӣ ба талафот ё партовҳо мубаддал меёбанд.
Инчунин мувофиқи маълумоти Барномаи муҳити зисти Созмони Милали Муттаҳид, ҳамасола дар ҷаҳон тақрибан 570 миллион тонна ғизо аз сабаби одатҳои маишӣ партофта мешаванд. Ҳар яки мо ҳар сол ба ҳисоби миёна тақрибан 74 кг ғизоро мепартоем.
Бо вуҷуди маъракаҳои иттилоотӣ ва маърифатӣ, ки маҳз ба ҳамин масъала ва ҳалли он бахшида шудаанд, ҳаҷми маҳсулоти мепартофтаи хоҷагидорон чун пештара баланд мебошад.
Барои васеъ намудани имконияти истеъмолкунандагон ФАО дастури амалӣ таҳия намудааст, ки дорои маслиҳатҳо ва тавсияҳои сода оид ба пешгирии партовҳои ғизоӣ мебошад.
Агар ҳар нафар каме саъю кӯшиш ба харҷ диҳад, пас мо дар якҷоягӣ метавонем ба коҳиши партовҳои ғизоӣ таъсири калон расонем.
Азиза ИКРОМ,
АМИТ «Ховар»
АКС: АЗЕРТАҶ
Имрӯз дар водиҳои Тоҷикистон ҳаво то 39 дараҷа гарм мешавад
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
