Дар Душанбе вохӯрии аъзои Муколамаи занони Осиёи Марказӣ доир мешавад
ДУШАНБЕ, 30.08.2023. /АМИТ «Ховар»/. 14 сентябр дар шаҳри Душанбе дар доираи Вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал вохӯрии ҳузурии аъзои Муколамаи занони Осиёи Марказӣ дар мавзуи «Ноил шудан ба баробарии гендерӣ дар заминаи мутобиқшавӣ ба тағйирёбии иқлим дар Осиёи Марказӣ» доир мегардад. Дар ин хусус ба АМИТ «Ховар» дар Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Вохӯрӣ аз ду ҷаласаи панелӣ иборат буда, масъалаҳои «Ноил шудан ба баробарии гендерӣ дар заминаи мутобиқшавӣ ба тағйирёбии иқлим ва офатҳои табиӣ дар Осиёи Марказӣ», «Ташаббусҳои экологии Осиёи Марказӣ дар татбиқи Ҳадафҳои рушди устувор»-ро мавриди таҳлил ва муҳокима қарор дода, вобаста ба мавзуъҳои мазкур меҳмонону иштирокдорон мубодилаи афкор менамоянд.
Доир ба масъалаҳои баррасишаванда ва вобаста ба андешидани тадбирҳои мушаххас дар самти ноил шудан ба баробарии гендерӣ дар заминаи мутобиқшавӣ ба тағйирёбии иқлим дар Осиёи Марказӣ аз ҷониби иштирокчиён тавсияҳои ҳамкорӣ дода шуда, ба унвони сарони давлатҳо изҳороти аъзои Муколамаи занони Осиёи Марказӣ қабул мешавад.
Инчунин дар назар аст, ки аъзои Муколамаи занони Осиёи Марказӣ ва ҳайати расмии Тоҷикистон, Қазоқистон, Қирғизистон, Туркманистон ва Узбекистон дар доираи баргузории чорабинӣ бо намоишгоҳи ҳунарҳои мардумӣ, Осорхонаи миллии Тоҷикистон ва маҷмааи «Кохи Наврӯз» шинос шуда, дар Фестивали «Оши палав» ва барномаи фарҳангии «Шоми дӯстӣ» иштирок намоянд.
Сафари кории меҳмонон ба Ҷумҳурии Тоҷикистон 2 рӯз идома ёфта, 15 сентябр аъзои Муколамаи занони Осиёи Марказӣ бо Неругоҳи барқи обии «Норак» шинос мешаванд.
АКС: Вазорати корҳои хориҷии Ҷумҳурии Тоҷикистон
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
